| Library / Tipiṭaka / తిపిటక • Tipiṭaka / ఇతివుత్తక-అట్ఠకథా • Itivuttaka-aṭṭhakathā |
౬. దుతియసీలసుత్తవణ్ణనా
6. Dutiyasīlasuttavaṇṇanā
౩౩. ఛట్ఠే భద్దకేన చ సీలేనాతి కాయసుచరితాదిచతుపారిసుద్ధిసీలేన. తఞ్హి అఖణ్డాదిసీలభావేన సయఞ్చ కల్యాణం, సమథవిపస్సనాదికల్యాణగుణావహం చాతి ‘‘భద్దక’’న్తి వుచ్చతి. భద్దికాయ చ దిట్ఠియాతి కమ్మస్సకతాఞాణేన చేవ కమ్మపథసమ్మాదిట్ఠియా చ. తత్థ భద్దకేన సీలేన పయోగసమ్పన్నో హోతి, భద్దికాయ దిట్ఠియా ఆసయసమ్పన్నో. ఇతి పయోగాసయసమ్పన్నో పుగ్గలో సగ్గూపగో హోతి. తేన వుత్తం – ‘‘ఇమేహి, ఖో, భిక్ఖవే, ద్వీహి ధమ్మేహి సమన్నాగతో పుగ్గలో యథాభతం నిక్ఖిత్తో, ఏవం సగ్గే’’తి. సప్పఞ్ఞోతి పఞ్ఞవా. సేసం సువిఞ్ఞేయ్యమేవ.
33. Chaṭṭhe bhaddakena ca sīlenāti kāyasucaritādicatupārisuddhisīlena. Tañhi akhaṇḍādisīlabhāvena sayañca kalyāṇaṃ, samathavipassanādikalyāṇaguṇāvahaṃ cāti ‘‘bhaddaka’’nti vuccati. Bhaddikāya ca diṭṭhiyāti kammassakatāñāṇena ceva kammapathasammādiṭṭhiyā ca. Tattha bhaddakena sīlena payogasampanno hoti, bhaddikāya diṭṭhiyā āsayasampanno. Iti payogāsayasampanno puggalo saggūpago hoti. Tena vuttaṃ – ‘‘imehi, kho, bhikkhave, dvīhi dhammehi samannāgato puggalo yathābhataṃ nikkhitto, evaṃ sagge’’ti. Sappaññoti paññavā. Sesaṃ suviññeyyameva.
ఛట్ఠసుత్తవణ్ణనా నిట్ఠితా.
Chaṭṭhasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / ఖుద్దకనికాయ • Khuddakanikāya / ఇతివుత్తకపాళి • Itivuttakapāḷi / ౬. దుతియసీలసుత్తం • 6. Dutiyasīlasuttaṃ
