| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၅. ဒုတိယသင္ဂာမသုတ္တဝဏ္ဏနာ
5. Dutiyasaṅgāmasuttavaṇṇanā
၁၂၆. ပဉ္စမေ အဗ္ဘုယ္ယာသီတိ ပရာဇယေ ဂရဟပ္ပတ္တော ‘‘အာရာမံ ဂန္တ္ဝာ ဘိက္ခူနံ ကထာသလ္လာပံ သုဏာထာ’’တိ ရတ္တိဘာဂေ ဗုဒ္ဓရက္ခိတေန နာမ ဝုဍ္ဎပဗ္ဗဇိတေန ဓမ္မရက္ခိတသ္သ ဝုဍ္ဎပဗ္ဗဇိတသ္သ ‘‘သစေ ရာဇာ ဣမဉ္စ ဥပာယံ ကတ္ဝာ ဂစ္ဆေယ္ယ, ပုန ဇိနေယ္ယာ’’တိ ဝုတ္တဇယကာရဏံ သုတ္ဝာ အဘိဥယ္ယာသိ။
126. Pañcame abbhuyyāsīti parājaye garahappatto ‘‘ārāmaṃ gantvā bhikkhūnaṃ kathāsallāpaṃ suṇāthā’’ti rattibhāge buddharakkhitena nāma vuḍḍhapabbajitena dhammarakkhitassa vuḍḍhapabbajitassa ‘‘sace rājā imañca upāyaṃ katvā gaccheyya, puna jineyyā’’ti vuttajayakāraṇaṃ sutvā abhiuyyāsi.
ယာဝသ္သ ဥပကပ္ပတီတိ ယာဝ တသ္သ ဥပကပ္ပတိ သယ္ဟံ ဟောတိ။ ယဒာ စညေတိ ယဒာ အညေ။ ဝိလုမ္ပန္တီတိ တံ ဝိလုမ္ပိတ္ဝာ ဌိတပုဂ္ဂလံ ဝိလုမ္ပန္တိ။ ဝိလုမ္ပတီတိ ဝိလုမ္ပိယတိ။ ဌာနံ ဟိ မညတီတိ ‘‘ကာရဏ’’န္တိ ဟိ မညတိ။ ယဒာတိ ယသ္မိံ ကာလေ။ ဇေတာရံ လဘတေ ဇယန္တိ ဇယန္တော ပုဂ္ဂလော ပစ္ဆာ ဇေတာရမ္ပိ လဘတိ။ ရောသေတာရန္တိ ဃဋ္ဋေတာရံ။ ရောသကောတိ ဃဋ္ဋကော။ ကမ္မဝိဝဋ္ဋေနာတိ ကမ္မပရိဏာမေန, တသ္သ ဝိလုမ္ပနကမ္မသ္သ ဝိပာကဒာနေန။ သော ဝိလုတ္တော ဝိလုပ္ပတီတိ သော ဝိလုမ္ပကော ဝိလုမ္ပိယတိ။ ပဉ္စမံ။
Yāvassa upakappatīti yāva tassa upakappati sayhaṃ hoti. Yadā caññeti yadā aññe. Vilumpantīti taṃ vilumpitvā ṭhitapuggalaṃ vilumpanti. Vilumpatīti vilumpiyati. Ṭhānaṃ hi maññatīti ‘‘kāraṇa’’nti hi maññati. Yadāti yasmiṃ kāle. Jetāraṃ labhate jayanti jayanto puggalo pacchā jetārampi labhati. Rosetāranti ghaṭṭetāraṃ. Rosakoti ghaṭṭako. Kammavivaṭṭenāti kammapariṇāmena, tassa vilumpanakammassa vipākadānena. So vilutto viluppatīti so vilumpako vilumpiyati. Pañcamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. ဒုတိယသင္ဂာမသုတ္တံ • 5. Dutiyasaṅgāmasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. ဒုတိယသင္ဂာမသုတ္တဝဏ္ဏနာ • 5. Dutiyasaṅgāmasuttavaṇṇanā
