| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૫. દુતિયસઙ્ગામસુત્તવણ્ણના
5. Dutiyasaṅgāmasuttavaṇṇanā
૧૨૬. સુણાથાતિ ‘‘વત્વા’’તિ વચનસેસો. ઉપકપ્પતીતિ સમ્ભવતિ. સય્હં હોતીતિ કાતું સક્કા હોતિ. ‘‘યદા ચઞ્ઞે’’તિ ચ-કારો નિપાતમત્તન્તિ આહ ‘‘યદા અઞ્ઞે’’તિ. વિલુમ્પન્તીતિ વિનાસં અચ્છિન્દનં કરોન્તિ. વિલુમ્પીયતીતિ વિલુત્તપરસન્તકસ્સ અસકત્તા પુગ્ગલો દિટ્ઠધમ્મિકં કમ્મફલં પટિસંવેદેન્તો વિય સયમ્પિ પરેન વિલુમ્પીયતિ, ધનજાનિં પાપુણાતિ. ‘‘કારણ’’ન્તિ હિ મઞ્ઞતીતિ પાપકિરિયં અત્તનો હિતાવહં કારણં કત્વા મઞ્ઞતિ. જયન્તો પુગ્ગલો ‘‘ઇદં નામ જિનામી’’તિ મઞ્ઞમાનો સયમ્પિ તતો પરાજયં પાપુણાતિ. ઘટ્ટેતારન્તિ પાપકમ્મવિપાકં. કમ્મવિવટ્ટેનાતિ કમ્મસ્સ વિવટ્ટનેન, પચ્ચયલાભેન લદ્ધાવસરેન વિવટ્ટેત્વા વિગમિતેન કમ્મેનાતિ અત્થો.
126.Suṇāthāti ‘‘vatvā’’ti vacanaseso. Upakappatīti sambhavati. Sayhaṃ hotīti kātuṃ sakkā hoti. ‘‘Yadā caññe’’ti ca-kāro nipātamattanti āha ‘‘yadā aññe’’ti. Vilumpantīti vināsaṃ acchindanaṃ karonti. Vilumpīyatīti viluttaparasantakassa asakattā puggalo diṭṭhadhammikaṃ kammaphalaṃ paṭisaṃvedento viya sayampi parena vilumpīyati, dhanajāniṃ pāpuṇāti. ‘‘Kāraṇa’’nti hi maññatīti pāpakiriyaṃ attano hitāvahaṃ kāraṇaṃ katvā maññati. Jayanto puggalo ‘‘idaṃ nāma jināmī’’ti maññamāno sayampi tato parājayaṃ pāpuṇāti. Ghaṭṭetāranti pāpakammavipākaṃ. Kammavivaṭṭenāti kammassa vivaṭṭanena, paccayalābhena laddhāvasarena vivaṭṭetvā vigamitena kammenāti attho.
દુતિયસઙ્ગામસુત્તવણ્ણના નિટ્ઠિતા.
Dutiyasaṅgāmasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૫. દુતિયસઙ્ગામસુત્તં • 5. Dutiyasaṅgāmasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૫. દુતિયસઙ્ગામસુત્તવણ્ણના • 5. Dutiyasaṅgāmasuttavaṇṇanā
