| Library / Tipiṭaka / តិបិដក • Tipiṭaka / មហាវិភង្គ-អដ្ឋកថា • Mahāvibhaṅga-aṭṭhakathā |
៦. ទុតិយសហសេយ្យសិក្ខាបទវណ្ណនា
6. Dutiyasahaseyyasikkhāpadavaṇṇanā
៥៥. ទុតិយសហសេយ្យសិក្ខាបទេ – អាវសថាគារន្តិ អាគន្តុកានំ វសនាគារំ។ បញ្ញត្តំ ហោតីតិ បុញ្ញកាមតាយ កត្វា ឋបិតំ ហោតិ។ យេន សា ឥត្ថី តេនុបសង្កមីតិ អសុកស្មិំ នាម ឋានេ អាវសថាគារំ បញ្ញត្តំ អត្ថីតិ មនុស្សានំ សុត្វា ឧបសង្កមិ។ គន្ធគន្ធិនីតិ អគរុកុង្កុមាទីនំ គន្ធានំ គន្ធោ គន្ធគន្ធោ, សោ អស្សា អត្ថីតិ គន្ធគន្ធិនី។ សាដកំ និក្ខិបិត្វាតិ អប្បេវ នាមស្ស ឥមម្បិ វិប្បការំ បស្សន្តស្ស រាគោ ឧប្បជ្ជេយ្យាតិ ចិន្តេត្វា ឯវមកាសិ។ ឱក្ខិបិត្វាតិ អធោ ខិបិត្វា។ អច្ចយោតិ អបរាធោ។ មំ អច្ចគមាតិ មំ អតិក្កម្ម អភិភវិត្វា បវត្តោ។ សេសំ បឋមសិក្ខាបទេ វុត្តនយេនេវ វេទិតព្ពំ។ អយមេវ ហិ វិសេសោ – បឋមសិក្ខាបទេ ចតុត្ថទិវសេ អាបត្តិ ឥធ បឋមទិវសេបិ។ យក្ខីបេតីហិ ទិស្សមានករូបាហិ តិរច្ឆានគតិត្ថិយា ច មេថុនធម្មវត្ថុភូតាយ ឯវ ទុក្កដំ។ សេសាហិ អនាបត្តិ។ សមុដ្ឋានាទីនិ បឋមសទិសានេវាតិ។
55. Dutiyasahaseyyasikkhāpade – āvasathāgāranti āgantukānaṃ vasanāgāraṃ. Paññattaṃ hotīti puññakāmatāya katvā ṭhapitaṃ hoti. Yena sā itthī tenupasaṅkamīti asukasmiṃ nāma ṭhāne āvasathāgāraṃ paññattaṃ atthīti manussānaṃ sutvā upasaṅkami. Gandhagandhinīti agarukuṅkumādīnaṃ gandhānaṃ gandho gandhagandho, so assā atthīti gandhagandhinī. Sāṭakaṃ nikkhipitvāti appeva nāmassa imampi vippakāraṃ passantassa rāgo uppajjeyyāti cintetvā evamakāsi. Okkhipitvāti adho khipitvā. Accayoti aparādho. Maṃ accagamāti maṃ atikkamma abhibhavitvā pavatto. Sesaṃ paṭhamasikkhāpade vuttanayeneva veditabbaṃ. Ayameva hi viseso – paṭhamasikkhāpade catutthadivase āpatti idha paṭhamadivasepi. Yakkhīpetīhi dissamānakarūpāhi tiracchānagatitthiyā ca methunadhammavatthubhūtāya eva dukkaṭaṃ. Sesāhi anāpatti. Samuṭṭhānādīni paṭhamasadisānevāti.
ទុតិយសហសេយ្យសិក្ខាបទំ ឆដ្ឋំ។
Dutiyasahaseyyasikkhāpadaṃ chaṭṭhaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ១. មុសាវាទវគ្គោ • 1. Musāvādavaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៦. ទុតិយសហសេយ្យសិក្ខាបទវណ្ណនា • 6. Dutiyasahaseyyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៦. ទុតិយសហសេយ្យសិក្ខាបទវណ្ណនា • 6. Dutiyasahaseyyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៦. ទុតិយសហសេយ្យសិក្ខាបទវណ្ណនា • 6. Dutiyasahaseyyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៦. ទុតិយសហសេយ្យសិក្ខាបទំ • 6. Dutiyasahaseyyasikkhāpadaṃ
