| Library / Tipiṭaka / તિપિટક • Tipiṭaka / મહાવિભઙ્ગ-અટ્ઠકથા • Mahāvibhaṅga-aṭṭhakathā |
૬. દુતિયસહસેય્યસિક્ખાપદવણ્ણના
6. Dutiyasahaseyyasikkhāpadavaṇṇanā
૫૫. દુતિયસહસેય્યસિક્ખાપદે – આવસથાગારન્તિ આગન્તુકાનં વસનાગારં. પઞ્ઞત્તં હોતીતિ પુઞ્ઞકામતાય કત્વા ઠપિતં હોતિ. યેન સા ઇત્થી તેનુપસઙ્કમીતિ અસુકસ્મિં નામ ઠાને આવસથાગારં પઞ્ઞત્તં અત્થીતિ મનુસ્સાનં સુત્વા ઉપસઙ્કમિ. ગન્ધગન્ધિનીતિ અગરુકુઙ્કુમાદીનં ગન્ધાનં ગન્ધો ગન્ધગન્ધો, સો અસ્સા અત્થીતિ ગન્ધગન્ધિની. સાટકં નિક્ખિપિત્વાતિ અપ્પેવ નામસ્સ ઇમમ્પિ વિપ્પકારં પસ્સન્તસ્સ રાગો ઉપ્પજ્જેય્યાતિ ચિન્તેત્વા એવમકાસિ. ઓક્ખિપિત્વાતિ અધો ખિપિત્વા. અચ્ચયોતિ અપરાધો. મં અચ્ચગમાતિ મં અતિક્કમ્મ અભિભવિત્વા પવત્તો. સેસં પઠમસિક્ખાપદે વુત્તનયેનેવ વેદિતબ્બં. અયમેવ હિ વિસેસો – પઠમસિક્ખાપદે ચતુત્થદિવસે આપત્તિ ઇધ પઠમદિવસેપિ. યક્ખીપેતીહિ દિસ્સમાનકરૂપાહિ તિરચ્છાનગતિત્થિયા ચ મેથુનધમ્મવત્થુભૂતાય એવ દુક્કટં. સેસાહિ અનાપત્તિ. સમુટ્ઠાનાદીનિ પઠમસદિસાનેવાતિ.
55. Dutiyasahaseyyasikkhāpade – āvasathāgāranti āgantukānaṃ vasanāgāraṃ. Paññattaṃ hotīti puññakāmatāya katvā ṭhapitaṃ hoti. Yena sā itthī tenupasaṅkamīti asukasmiṃ nāma ṭhāne āvasathāgāraṃ paññattaṃ atthīti manussānaṃ sutvā upasaṅkami. Gandhagandhinīti agarukuṅkumādīnaṃ gandhānaṃ gandho gandhagandho, so assā atthīti gandhagandhinī. Sāṭakaṃ nikkhipitvāti appeva nāmassa imampi vippakāraṃ passantassa rāgo uppajjeyyāti cintetvā evamakāsi. Okkhipitvāti adho khipitvā. Accayoti aparādho. Maṃ accagamāti maṃ atikkamma abhibhavitvā pavatto. Sesaṃ paṭhamasikkhāpade vuttanayeneva veditabbaṃ. Ayameva hi viseso – paṭhamasikkhāpade catutthadivase āpatti idha paṭhamadivasepi. Yakkhīpetīhi dissamānakarūpāhi tiracchānagatitthiyā ca methunadhammavatthubhūtāya eva dukkaṭaṃ. Sesāhi anāpatti. Samuṭṭhānādīni paṭhamasadisānevāti.
દુતિયસહસેય્યસિક્ખાપદં છટ્ઠં.
Dutiyasahaseyyasikkhāpadaṃ chaṭṭhaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૧. મુસાવાદવગ્ગો • 1. Musāvādavaggo
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૬. દુતિયસહસેય્યસિક્ખાપદવણ્ણના • 6. Dutiyasahaseyyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૬. દુતિયસહસેય્યસિક્ખાપદવણ્ણના • 6. Dutiyasahaseyyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૬. દુતિયસહસેય્યસિક્ખાપદવણ્ણના • 6. Dutiyasahaseyyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૬. દુતિયસહસેય્યસિક્ખાપદં • 6. Dutiyasahaseyyasikkhāpadaṃ
