| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೬. ದುತಿಯರಂಸಿಸಞ್ಞಕತ್ಥೇರಅಪದಾನಂ
6. Dutiyaraṃsisaññakattheraapadānaṃ
೩೫.
35.
‘‘ಪಬ್ಬತೇ ಹಿಮವನ್ತಮ್ಹಿ, ವಾಕಚೀರಧರೋ ಅಹಂ।
‘‘Pabbate himavantamhi, vākacīradharo ahaṃ;
ಚಙ್ಕಮಞ್ಚ ಸಮಾರೂಳ್ಹೋ, ನಿಸೀದಿಂ ಪಾಚಿನಾಮುಖೋ॥
Caṅkamañca samārūḷho, nisīdiṃ pācināmukho.
೩೬.
36.
‘‘ಪಬ್ಬತೇ ಸುಗತಂ ದಿಸ್ವಾ, ಫುಸ್ಸಂ ಝಾನರತಂ ತದಾ।
‘‘Pabbate sugataṃ disvā, phussaṃ jhānarataṃ tadā;
ಅಞ್ಜಲಿಂ ಪಗ್ಗಹೇತ್ವಾನ, ರಂಸ್ಯಾ ಚಿತ್ತಂ ಪಸಾದಯಿಂ॥
Añjaliṃ paggahetvāna, raṃsyā cittaṃ pasādayiṃ.
೩೭.
37.
‘‘ದ್ವೇನವುತೇ ಇತೋ ಕಪ್ಪೇ, ಯಂ ಸಞ್ಞಮಲಭಿಂ ತದಾ।
‘‘Dvenavute ito kappe, yaṃ saññamalabhiṃ tadā;
ದುಗ್ಗತಿಂ ನಾಭಿಜಾನಾಮಿ, ರಂಸಿಸಞ್ಞಾಯಿದಂ ಫಲಂ॥
Duggatiṃ nābhijānāmi, raṃsisaññāyidaṃ phalaṃ.
೩೮.
38.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ರಂಸಿಸಞ್ಞಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā raṃsisaññako thero imā gāthāyo abhāsitthāti.
ದುತಿಯರಂಸಿಸಞ್ಞಕತ್ಥೇರಸ್ಸಾಪದಾನಂ ಛಟ್ಠಂ।
Dutiyaraṃsisaññakattherassāpadānaṃ chaṭṭhaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೬. ದುತಿಯರಂಸಿಸಞ್ಞಕತ್ಥೇರಅಪದಾನವಣ್ಣನಾ • 6. Dutiyaraṃsisaññakattheraapadānavaṇṇanā
