| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೭. ಫಲದಾಯಕತ್ಥೇರಅಪದಾನಂ
7. Phaladāyakattheraapadānaṃ
೩೯.
39.
‘‘ಪಬ್ಬತೇ ಹಿಮವನ್ತಮ್ಹಿ, ಖರಾಜಿನಧರೋ ಅಹಂ।
‘‘Pabbate himavantamhi, kharājinadharo ahaṃ;
ಫುಸ್ಸಂ ಜಿನವರಂ ದಿಸ್ವಾ, ಫಲಹತ್ಥೋ ಫಲಂ ಅದಂ॥
Phussaṃ jinavaraṃ disvā, phalahattho phalaṃ adaṃ.
೪೦.
40.
‘‘ಯಮಹಂ ಫಲಮದಾಸಿಂ, ವಿಪ್ಪಸನ್ನೇನ ಚೇತಸಾ।
‘‘Yamahaṃ phalamadāsiṃ, vippasannena cetasā;
ಭವೇ ನಿಬ್ಬತ್ತಮಾನಮ್ಹಿ, ಫಲಂ ನಿಬ್ಬತ್ತತೇ ಮಮ॥
Bhave nibbattamānamhi, phalaṃ nibbattate mama.
೪೧.
41.
‘‘ದ್ವೇನವುತೇ ಇತೋ ಕಪ್ಪೇ, ಯಂ ಫಲಂ ಅದದಿಂ ಅಹಂ।
‘‘Dvenavute ito kappe, yaṃ phalaṃ adadiṃ ahaṃ;
ದುಗ್ಗತಿಂ ನಾಭಿಜಾನಾಮಿ, ಫಲದಾನಸ್ಸಿದಂ ಫಲಂ॥
Duggatiṃ nābhijānāmi, phaladānassidaṃ phalaṃ.
೪೨.
42.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಫಲದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā phaladāyako thero imā gāthāyo abhāsitthāti.
ಫಲದಾಯಕತ್ಥೇರಸ್ಸಾಪದಾನಂ ಸತ್ತಮಂ।
Phaladāyakattherassāpadānaṃ sattamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೭. ಫಲದಾಯಕತ್ಥೇರಅಪದಾನವಣ್ಣನಾ • 7. Phaladāyakattheraapadānavaṇṇanā
