| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៦. ទុតិយរំសិសញ្ញកត្ថេរអបទានំ
6. Dutiyaraṃsisaññakattheraapadānaṃ
៣៥.
35.
‘‘បព្ពតេ ហិមវន្តម្ហិ, វាកចីរធរោ អហំ;
‘‘Pabbate himavantamhi, vākacīradharo ahaṃ;
ចង្កមញ្ច សមារូឡ្ហោ, និសីទិំ បាចិនាមុខោ។
Caṅkamañca samārūḷho, nisīdiṃ pācināmukho.
៣៦.
36.
‘‘បព្ពតេ សុគតំ ទិស្វា, ផុស្សំ ឈានរតំ តទា;
‘‘Pabbate sugataṃ disvā, phussaṃ jhānarataṃ tadā;
អញ្ជលិំ បគ្គហេត្វាន, រំស្យា ចិត្តំ បសាទយិំ។
Añjaliṃ paggahetvāna, raṃsyā cittaṃ pasādayiṃ.
៣៧.
37.
‘‘ទ្វេនវុតេ ឥតោ កប្បេ, យំ សញ្ញមលភិំ តទា;
‘‘Dvenavute ito kappe, yaṃ saññamalabhiṃ tadā;
ទុគ្គតិំ នាភិជានាមិ, រំសិសញ្ញាយិទំ ផលំ។
Duggatiṃ nābhijānāmi, raṃsisaññāyidaṃ phalaṃ.
៣៨.
38.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា រំសិសញ្ញកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā raṃsisaññako thero imā gāthāyo abhāsitthāti.
ទុតិយរំសិសញ្ញកត្ថេរស្សាបទានំ ឆដ្ឋំ។
Dutiyaraṃsisaññakattherassāpadānaṃ chaṭṭhaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៦. ទុតិយរំសិសញ្ញកត្ថេរអបទានវណ្ណនា • 6. Dutiyaraṃsisaññakattheraapadānavaṇṇanā
