| Library / Tipiṭaka / തിപിടക • Tipiṭaka / പരിവാരപാളി • Parivārapāḷi |
൨. ദുതിയപാരാജികസമുട്ഠാനം
2. Dutiyapārājikasamuṭṭhānaṃ
൨൫൯.
259.
അദിന്നം വിഗ്ഗഹുത്തരി, ദുട്ഠുല്ലാ അത്തകാമിനം;
Adinnaṃ viggahuttari, duṭṭhullā attakāminaṃ;
അമൂലാ അഞ്ഞഭാഗിയാ, അനിയതാ ദുതിയികാ.
Amūlā aññabhāgiyā, aniyatā dutiyikā.
അച്ഛിന്ദേ പരിണാമനേ, മുസാ ഓമസപേസുണാ;
Acchinde pariṇāmane, musā omasapesuṇā;
ദുട്ഠുല്ലാ പഥവീഖണേ, ഭൂതം അഞ്ഞായ ഉജ്ഝാപേ.
Duṭṭhullā pathavīkhaṇe, bhūtaṃ aññāya ujjhāpe.
നിക്കഡ്ഢനം സിഞ്ചനഞ്ച, ആമിസഹേതു ഭുത്താവീ;
Nikkaḍḍhanaṃ siñcanañca, āmisahetu bhuttāvī;
ഏഹി അനാദരി ഭിംസാ, അപനിധേ ച ജീവിതം.
Ehi anādari bhiṃsā, apanidhe ca jīvitaṃ.
ജാനം സപ്പാണകം കമ്മം, ഊനസംവാസനാസനാ;
Jānaṃ sappāṇakaṃ kammaṃ, ūnasaṃvāsanāsanā;
സഹധമ്മികവിലേഖാ, മോഹോ അമൂലകേന ച.
Sahadhammikavilekhā, moho amūlakena ca.
കുക്കുച്ചം ധമ്മികം ചീവരം, ദത്വാ 1 പരിണാമേയ്യ പുഗ്ഗലേ;
Kukkuccaṃ dhammikaṃ cīvaraṃ, datvā 2 pariṇāmeyya puggale;
കിം തേ അകാലം അച്ഛിന്ദേ, ദുഗ്ഗഹീ നിരയേന ച.
Kiṃ te akālaṃ acchinde, duggahī nirayena ca.
ഗണം വിഭങ്ഗം ദുബ്ബലം, കഥിനാഫാസുപസ്സയം;
Gaṇaṃ vibhaṅgaṃ dubbalaṃ, kathināphāsupassayaṃ;
അക്കോസചണ്ഡീ മച്ഛരീ, ഗബ്ഭിനീ ച പായന്തിയാ.
Akkosacaṇḍī maccharī, gabbhinī ca pāyantiyā.
ദ്വേവസ്സം സിക്ഖാ സങ്ഘേന, തയോ ചേവ ഗിഹീഗതാ;
Dvevassaṃ sikkhā saṅghena, tayo ceva gihīgatā;
കുമാരിഭൂതാ തിസ്സോ ച, ഊനദ്വാദസസമ്മതാ.
Kumāribhūtā tisso ca, ūnadvādasasammatā.
അലം താവ സോകാവാസം, ഛന്ദാ അനുവസ്സാ ച ദ്വേ;
Alaṃ tāva sokāvāsaṃ, chandā anuvassā ca dve;
സിക്ഖാപദാ സത്തതിമേ, സമുട്ഠാനാ തികാ കതാ.
Sikkhāpadā sattatime, samuṭṭhānā tikā katā.
കായചിത്തേന ന വാചാ, വാചാചിത്തം ന കായികം;
Kāyacittena na vācā, vācācittaṃ na kāyikaṃ;
തീഹി ദ്വാരേഹി ജായന്തി, പാരാജികം ദുതിയം യഥാ.
Tīhi dvārehi jāyanti, pārājikaṃ dutiyaṃ yathā.
ദുതിയപാരാജികസമുട്ഠാനം നിട്ഠിതം.
Dutiyapārājikasamuṭṭhānaṃ niṭṭhitaṃ.
Footnotes:
Related texts:
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / പരിവാര-അട്ഠകഥാ • Parivāra-aṭṭhakathā / ദുതിയപാരാജികസമുട്ഠാനവണ്ണനാ • Dutiyapārājikasamuṭṭhānavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ദുതിയപാരാജികസമുട്ഠാനവണ്ണനാ • Dutiyapārājikasamuṭṭhānavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ദുതിയപാരാജികസമുട്ഠാനവണ്ണനാ • Dutiyapārājikasamuṭṭhānavaṇṇanā
