| Library / Tipiṭaka / तिपिटक • Tipiṭaka / परिवारपाळि • Parivārapāḷi |
२. दुतियपाराजिकसमुट्ठानं
2. Dutiyapārājikasamuṭṭhānaṃ
२५९.
259.
अदिन्नं विग्गहुत्तरि, दुट्ठुल्ला अत्तकामिनं।
Adinnaṃ viggahuttari, duṭṭhullā attakāminaṃ;
अमूला अञ्ञभागिया, अनियता दुतियिका॥
Amūlā aññabhāgiyā, aniyatā dutiyikā.
अच्छिन्दे परिणामने, मुसा ओमसपेसुणा।
Acchinde pariṇāmane, musā omasapesuṇā;
दुट्ठुल्ला पथवीखणे, भूतं अञ्ञाय उज्झापे॥
Duṭṭhullā pathavīkhaṇe, bhūtaṃ aññāya ujjhāpe.
निक्कड्ढनं सिञ्चनञ्च, आमिसहेतु भुत्तावी।
Nikkaḍḍhanaṃ siñcanañca, āmisahetu bhuttāvī;
एहि अनादरि भिंसा, अपनिधे च जीवितं॥
Ehi anādari bhiṃsā, apanidhe ca jīvitaṃ.
जानं सप्पाणकं कम्मं, ऊनसंवासनासना।
Jānaṃ sappāṇakaṃ kammaṃ, ūnasaṃvāsanāsanā;
सहधम्मिकविलेखा, मोहो अमूलकेन च॥
Sahadhammikavilekhā, moho amūlakena ca.
कुक्कुच्चं धम्मिकं चीवरं, दत्वा 1 परिणामेय्य पुग्गले।
Kukkuccaṃ dhammikaṃ cīvaraṃ, datvā 2 pariṇāmeyya puggale;
किं ते अकालं अच्छिन्दे, दुग्गही निरयेन च॥
Kiṃ te akālaṃ acchinde, duggahī nirayena ca.
गणं विभङ्गं दुब्बलं, कथिनाफासुपस्सयं।
Gaṇaṃ vibhaṅgaṃ dubbalaṃ, kathināphāsupassayaṃ;
अक्कोसचण्डी मच्छरी, गब्भिनी च पायन्तिया॥
Akkosacaṇḍī maccharī, gabbhinī ca pāyantiyā.
द्वेवस्सं सिक्खा सङ्घेन, तयो चेव गिहीगता।
Dvevassaṃ sikkhā saṅghena, tayo ceva gihīgatā;
कुमारिभूता तिस्सो च, ऊनद्वादससम्मता॥
Kumāribhūtā tisso ca, ūnadvādasasammatā.
अलं ताव सोकावासं, छन्दा अनुवस्सा च द्वे।
Alaṃ tāva sokāvāsaṃ, chandā anuvassā ca dve;
सिक्खापदा सत्ततिमे, समुट्ठाना तिका कता॥
Sikkhāpadā sattatime, samuṭṭhānā tikā katā.
कायचित्तेन न वाचा, वाचाचित्तं न कायिकं।
Kāyacittena na vācā, vācācittaṃ na kāyikaṃ;
तीहि द्वारेहि जायन्ति, पाराजिकं दुतियं यथा॥
Tīhi dvārehi jāyanti, pārājikaṃ dutiyaṃ yathā.
दुतियपाराजिकसमुट्ठानं निट्ठितं।
Dutiyapārājikasamuṭṭhānaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / दुतियपाराजिकसमुट्ठानवण्णना • Dutiyapārājikasamuṭṭhānavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / दुतियपाराजिकसमुट्ठानवण्णना • Dutiyapārājikasamuṭṭhānavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / दुतियपाराजिकसमुट्ठानवण्णना • Dutiyapārājikasamuṭṭhānavaṇṇanā
