| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. ทุติยปชฺชุนฺนธีตุสุตฺตํ
10. Dutiyapajjunnadhītusuttaṃ
๔๐. เอวํ เม สุตํ – เอกํ สมยํ ภควา เวสาลิยํ วิหรติ มหาวเน กูฎาคารสาลายํฯ อถ โข จูฬโกกนทา 1 ปชฺชุนฺนสฺส ธีตา อภิกฺกนฺตาย รตฺติยา อภิกฺกนฺตวณฺณา เกวลกปฺปํ มหาวนํ โอภาเสตฺวา เยน ภควา เตนุปสงฺกมิ; อุปสงฺกมิตฺวา ภควนฺตํ อภิวาเทตฺวา เอกมนฺตํ อฎฺฐาสิฯ เอกมนฺตํ ฐิตา โข สา เทวตา จูฬโกกนทา ปชฺชุนฺนสฺส ธีตา ภควโต สนฺติเก อิมา คาถาโย อภาสิ –
40. Evaṃ me sutaṃ – ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho cūḷakokanadā 2 pajjunnassa dhītā abhikkantāya rattiyā abhikkantavaṇṇā kevalakappaṃ mahāvanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā cūḷakokanadā pajjunnassa dhītā bhagavato santike imā gāthāyo abhāsi –
‘‘อิธาคมา วิชฺชุปภาสวณฺณา, โกกนทา ปชฺชุนฺนสฺส ธีตา;
‘‘Idhāgamā vijjupabhāsavaṇṇā, kokanadā pajjunnassa dhītā;
พุทฺธญฺจ ธมฺมญฺจ นมสฺสมานา, คาถาจิมา อตฺถวตี อภาสิฯ
Buddhañca dhammañca namassamānā, gāthācimā atthavatī abhāsi.
‘‘พหุนาปิ โข ตํ วิภเชยฺยํ, ปริยาเยน ตาทิโส ธโมฺม;
‘‘Bahunāpi kho taṃ vibhajeyyaṃ, pariyāyena tādiso dhammo;
สํขิตฺตมตฺถํ 3 ลปยิสฺสามิ, ยาวตา เม มนสา ปริยตฺตํฯ
Saṃkhittamatthaṃ 4 lapayissāmi, yāvatā me manasā pariyattaṃ.
‘‘ปาปํ น กยิรา วจสา มนสา,
‘‘Pāpaṃ na kayirā vacasā manasā,
กาเยน วา กิญฺจน สพฺพโลเก;
Kāyena vā kiñcana sabbaloke;
กาเม ปหาย สติมา สมฺปชาโน,
Kāme pahāya satimā sampajāno,
ทุกฺขํ น เสเวถ อนตฺถสํหิต’’นฺติฯ
Dukkhaṃ na sevetha anatthasaṃhita’’nti.
สตุลฺลปกายิกวโคฺค จตุโตฺถฯ
Satullapakāyikavaggo catuttho.
ตสฺสุทฺทานํ –
Tassuddānaṃ –
สพฺภิมจฺฉรินา สาธุ, น สนฺตุชฺฌานสญฺญิโน;
Sabbhimaccharinā sādhu, na santujjhānasaññino;
สทฺธา สมโย สกลิกํ, อุโภ ปชฺชุนฺนธีตโรติฯ
Saddhā samayo sakalikaṃ, ubho pajjunnadhītaroti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐. ทุติยปชฺชุนฺนธีตุสุตฺตวณฺณนา • 10. Dutiyapajjunnadhītusuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐. ทุติยปชฺชุนฺนธีตุสุตฺตวณฺณนา • 10. Dutiyapajjunnadhītusuttavaṇṇanā
