| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̣̇уд̇ияаножзассаад̣̇асуд̇д̇ам̣
6. Dutiyanoceassādasuttaṃ
18. ‘‘но жзд̣̇ам̣, бхигкавз, руубаанам̣ ассаад̣̇о абхависса, наяид̣̇ам̣ сад̇д̇аа руубзсу саараж̇ж̇зяяум̣. яасмаа жа ко, бхигкавз, ад̇т̇и руубаанам̣ ассаад̣̇о, д̇асмаа сад̇д̇аа руубзсу саараж̇ж̇анд̇и. но жзд̣̇ам̣, бхигкавз, руубаанам̣ аад̣̇ийнаво абхависса, наяид̣̇ам̣ сад̇д̇аа руубзсу ниб̣б̣инд̣̇зяяум̣. яасмаа жа ко, бхигкавз, ад̇т̇и руубаанам̣ аад̣̇ийнаво, д̇асмаа сад̇д̇аа руубзсу ниб̣б̣инд̣̇анд̇и. но жзд̣̇ам̣, бхигкавз, руубаанам̣ ниссаран̣ам̣ абхависса, наяид̣̇ам̣ сад̇д̇аа руубзхи ниссарзяяум̣. яасмаа жа ко, бхигкавз, ад̇т̇и руубаанам̣ ниссаран̣ам̣, д̇асмаа сад̇д̇аа руубзхи ниссаранд̇и. но жзд̣̇ам̣, бхигкавз, сад̣̇д̣̇аанам̣… г̇анд̇хаанам̣… расаанам̣… подтаб̣б̣аанам̣… д̇хаммаанам̣ ассаад̣̇о абхависса, наяид̣̇ам̣ сад̇д̇аа д̇хаммзсу саараж̇ж̇зяяум̣. яасмаа жа ко, бхигкавз, ад̇т̇и д̇хаммаанам̣ ассаад̣̇о, д̇асмаа сад̇д̇аа д̇хаммзсу саараж̇ж̇анд̇и. но жзд̣̇ам̣, бхигкавз, д̇хаммаанам̣ аад̣̇ийнаво абхависса, наяид̣̇ам̣ сад̇д̇аа д̇хаммзсу ниб̣б̣инд̣̇зяяум̣. яасмаа жа ко, бхигкавз, ад̇т̇и д̇хаммаанам̣ аад̣̇ийнаво, д̇асмаа сад̇д̇аа д̇хаммзсу ниб̣б̣инд̣̇анд̇и. но жзд̣̇ам̣, бхигкавз, д̇хаммаанам̣ ниссаран̣ам̣ абхависса, наяид̣̇ам̣ сад̇д̇аа д̇хаммзхи ниссарзяяум̣. яасмаа жа ко, бхигкавз, ад̇т̇и д̇хаммаанам̣ ниссаран̣ам̣, д̇асмаа сад̇д̇аа д̇хаммзхи ниссаранд̇и.
18. ‘‘No cedaṃ, bhikkhave, rūpānaṃ assādo abhavissa, nayidaṃ sattā rūpesu sārajjeyyuṃ. Yasmā ca kho, bhikkhave, atthi rūpānaṃ assādo, tasmā sattā rūpesu sārajjanti. No cedaṃ, bhikkhave, rūpānaṃ ādīnavo abhavissa, nayidaṃ sattā rūpesu nibbindeyyuṃ. Yasmā ca kho, bhikkhave, atthi rūpānaṃ ādīnavo, tasmā sattā rūpesu nibbindanti. No cedaṃ, bhikkhave, rūpānaṃ nissaraṇaṃ abhavissa, nayidaṃ sattā rūpehi nissareyyuṃ. Yasmā ca kho, bhikkhave, atthi rūpānaṃ nissaraṇaṃ, tasmā sattā rūpehi nissaranti. No cedaṃ, bhikkhave, saddānaṃ… gandhānaṃ… rasānaṃ… phoṭṭhabbānaṃ… dhammānaṃ assādo abhavissa, nayidaṃ sattā dhammesu sārajjeyyuṃ. Yasmā ca kho, bhikkhave, atthi dhammānaṃ assādo, tasmā sattā dhammesu sārajjanti. No cedaṃ, bhikkhave, dhammānaṃ ādīnavo abhavissa, nayidaṃ sattā dhammesu nibbindeyyuṃ. Yasmā ca kho, bhikkhave, atthi dhammānaṃ ādīnavo, tasmā sattā dhammesu nibbindanti. No cedaṃ, bhikkhave, dhammānaṃ nissaraṇaṃ abhavissa, nayidaṃ sattā dhammehi nissareyyuṃ. Yasmā ca kho, bhikkhave, atthi dhammānaṃ nissaraṇaṃ, tasmā sattā dhammehi nissaranti.
‘‘яаавагийван̃жа, бхигкавз, сад̇д̇аа имзсам̣ чаннам̣ б̣аахираанам̣ ааяад̇анаанам̣ ассаад̣̇ан̃жа ассаад̣̇ад̇о, аад̣̇ийнаван̃жа аад̣̇ийнавад̇о, ниссаран̣ан̃жа ниссаран̣ад̇о яат̇аабхууд̇ам̣ нааб̣бхан̃н̃ам̣су , нзва д̇аава, бхигкавз, сад̇д̇аа сад̣̇звагаа логаа самаарагаа саб̣рахмагаа сассаман̣аб̣раахман̣ияаа баж̇ааяа сад̣̇звамануссааяа ниссадаа висан̃н̃уд̇д̇аа виббамуд̇д̇аа вимарияаад̣̇ийгад̇зна жзд̇асаа вихарим̣су. яад̇о жа ко, бхигкавз, сад̇д̇аа имзсам̣ чаннам̣ б̣аахираанам̣ ааяад̇анаанам̣ ассаад̣̇ан̃жа ассаад̣̇ад̇о, аад̣̇ийнаван̃жа аад̣̇ийнавад̇о, ниссаран̣ан̃жа ниссаран̣ад̇о яат̇аабхууд̇ам̣ аб̣бхан̃н̃ам̣су, ат̇а, бхигкавз , сад̇д̇аа сад̣̇звагаа логаа самаарагаа саб̣рахмагаа сассаман̣аб̣раахман̣ияаа баж̇ааяа сад̣̇звамануссааяа ниссадаа висан̃н̃уд̇д̇аа виббамуд̇д̇аа вимарияаад̣̇ийгад̇зна жзд̇асаа вихаранд̇ий’’д̇и. чадтам̣.
‘‘Yāvakīvañca, bhikkhave, sattā imesaṃ channaṃ bāhirānaṃ āyatanānaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ nābbhaññaṃsu , neva tāva, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaññuttā vippamuttā vimariyādīkatena cetasā vihariṃsu. Yato ca kho, bhikkhave, sattā imesaṃ channaṃ bāhirānaṃ āyatanānaṃ assādañca assādato, ādīnavañca ādīnavato, nissaraṇañca nissaraṇato yathābhūtaṃ abbhaññaṃsu, atha, bhikkhave , sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaññuttā vippamuttā vimariyādīkatena cetasā viharantī’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5-6. батаманожзассаад̣̇асуд̇д̇аад̣̇иван̣н̣анаа • 5-6. Paṭhamanoceassādasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-6. батаманожзассаад̣̇асуд̇д̇аад̣̇иван̣н̣анаа • 5-6. Paṭhamanoceassādasuttādivaṇṇanā
