| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๘. ทุติยมิคลุทฺทกเปตวตฺถุ
8. Dutiyamigaluddakapetavatthu
๔๘๘.
488.
‘‘กูฎาคาเร จ ปาสาเท, ปลฺลเงฺก โคนกตฺถเต;
‘‘Kūṭāgāre ca pāsāde, pallaṅke gonakatthate;
ปญฺจงฺคิเกน ตุริเยน, รมสิ สุปฺปวาทิเตฯ
Pañcaṅgikena turiyena, ramasi suppavādite.
๔๘๙.
489.
อปวิโทฺธ สุสานสฺมิํ, พหุทุกฺขํ นิคจฺฉสิฯ
Apaviddho susānasmiṃ, bahudukkhaṃ nigacchasi.
๔๙๐.
490.
‘‘กิํ นุ กาเยน วาจาย, มนสา ทุกฺกฎํ กตํ;
‘‘Kiṃ nu kāyena vācāya, manasā dukkaṭaṃ kataṃ;
กิสฺส กมฺมวิปาเกน, อิทํ ทุกฺขํ นิคจฺฉสิ’’ฯ
Kissa kammavipākena, idaṃ dukkhaṃ nigacchasi’’.
๔๙๑.
491.
‘‘อหํ ราชคเห รเมฺม, รมณีเย คิริพฺพเช;
‘‘Ahaṃ rājagahe ramme, ramaṇīye giribbaje;
มิคลุโทฺท ปุเร อาสิํ, ลุโทฺท จาสิมสญฺญโตฯ
Migaluddo pure āsiṃ, luddo cāsimasaññato.
๔๙๒.
492.
‘‘ตสฺส เม สหาโย สุหทโย, สโทฺธ อาสิ อุปาสโก;
‘‘Tassa me sahāyo suhadayo, saddho āsi upāsako;
ตสฺส กุลุปโก ภิกฺขุ, อาสิ โคตมสาวโก;
Tassa kulupako bhikkhu, āsi gotamasāvako;
โสปิ มํ อนุกมฺปโนฺต, นิวาเรสิ ปุนปฺปุนํฯ
Sopi maṃ anukampanto, nivāresi punappunaṃ.
๔๙๓.
493.
‘‘‘มากาสิ ปาปกํ กมฺมํ, มา ตาต ทุคฺคติํ อคา;
‘‘‘Mākāsi pāpakaṃ kammaṃ, mā tāta duggatiṃ agā;
สเจ อิจฺฉสิ เปจฺจ สุขํ, วิรม ปาณวธา อสํยมา’ฯ
Sace icchasi pecca sukhaṃ, virama pāṇavadhā asaṃyamā’.
๔๙๔.
494.
‘‘ตสฺสาหํ วจนํ สุตฺวา, สุขกามสฺส หิตานุกมฺปิโน;
‘‘Tassāhaṃ vacanaṃ sutvā, sukhakāmassa hitānukampino;
นากาสิํ สกลานุสาสนิํ, จิรปาปาภิรโต อพุทฺธิมาฯ
Nākāsiṃ sakalānusāsaniṃ, cirapāpābhirato abuddhimā.
๔๙๕.
495.
‘‘โส มํ ปุน ภูริสุเมธโส, อนุกมฺปาย สํยเม นิเวสยิ;
‘‘So maṃ puna bhūrisumedhaso, anukampāya saṃyame nivesayi;
‘สเจ ทิวา หนสิ ปาณิโน, อถ เต รตฺติํ ภวตุ สํยโม’ฯ
‘Sace divā hanasi pāṇino, atha te rattiṃ bhavatu saṃyamo’.
๔๙๖.
496.
‘‘สฺวาหํ ทิวา หนิตฺวา ปาณิโน, วิรโต รตฺติมโหสิ สญฺญโต;
‘‘Svāhaṃ divā hanitvā pāṇino, virato rattimahosi saññato;
รตฺตาหํ ปริจาเรมิ, ทิวา ขชฺชามิ ทุคฺคโตฯ
Rattāhaṃ paricāremi, divā khajjāmi duggato.
๔๙๗.
497.
‘‘ตสฺส กมฺมสฺส กุสลสฺส, อนุโภมิ รตฺติํ อมานุสิํ;
‘‘Tassa kammassa kusalassa, anubhomi rattiṃ amānusiṃ;
ทิวา ปฎิหตาว กุกฺกุรา, อุปธาวนฺติ สมนฺตา ขาทิตุํฯ
Divā paṭihatāva kukkurā, upadhāvanti samantā khādituṃ.
๔๙๘.
498.
‘‘เย จ เต สตตานุโยคิโน, ธุวํ ปยุตฺตา 3 สุคตสฺส สาสเน;
‘‘Ye ca te satatānuyogino, dhuvaṃ payuttā 4 sugatassa sāsane;
มญฺญามิ เต อมตเมว เกวลํ, อธิคจฺฉนฺติ ปทํ อสงฺขต’’นฺติฯ
Maññāmi te amatameva kevalaṃ, adhigacchanti padaṃ asaṅkhata’’nti.
ทุติยมิคลุทฺทกเปตวตฺถุ อฎฺฐมํฯ
Dutiyamigaluddakapetavatthu aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๘. ทุติยมิคลุทฺทกเปตวตฺถุวณฺณนา • 8. Dutiyamigaluddakapetavatthuvaṇṇanā
