| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๙. กูฎวินิจฺฉยิกเปตวตฺถุ
9. Kūṭavinicchayikapetavatthu
๔๙๙.
499.
ปสนฺนมุขวโณฺณสิ, สูริยวโณฺณว โสภสิฯ
Pasannamukhavaṇṇosi, sūriyavaṇṇova sobhasi.
๕๐๐.
500.
‘‘อมานุสา ปาริสชฺชา, เย เตเม ปริจารกา;
‘‘Amānusā pārisajjā, ye teme paricārakā;
ทส กญฺญาสหสฺสานิ, ยา เตมา ปริจาริกา;
Dasa kaññāsahassāni, yā temā paricārikā;
๕๐๑.
501.
‘‘มหานุภาโวสิ ตุวํ, โลมหํสนรูปวา;
‘‘Mahānubhāvosi tuvaṃ, lomahaṃsanarūpavā;
๕๐๒.
502.
‘‘กิํ นุ กาเยน วาจาย, มนสา ทุกฺกุฎํ กตํ;
‘‘Kiṃ nu kāyena vācāya, manasā dukkuṭaṃ kataṃ;
กิสฺส กมฺมวิปาเกน, ปิฎฺฐิมํสานิ อตฺตโน;
Kissa kammavipākena, piṭṭhimaṃsāni attano;
สามํ อุกฺกจฺจ ขาทสี’’ติฯ
Sāmaṃ ukkacca khādasī’’ti.
๕๐๓.
503.
‘‘อตฺตโนหํ อนตฺถาย, ชีวโลเก อจาริสํ;
‘‘Attanohaṃ anatthāya, jīvaloke acārisaṃ;
เปสุญฺญมุสาวาเทน, นิกติวญฺจนาย จฯ
Pesuññamusāvādena, nikativañcanāya ca.
๕๐๔.
504.
‘‘ตตฺถาหํ ปริสํ คนฺตฺวา, สจฺจกาเล อุปฎฺฐิเต;
‘‘Tatthāhaṃ parisaṃ gantvā, saccakāle upaṭṭhite;
๕๐๕.
505.
‘‘เอวํ โส ขาทตตฺตานํ, โย โหติ ปิฎฺฐิมํสิโก;
‘‘Evaṃ so khādatattānaṃ, yo hoti piṭṭhimaṃsiko;
ยถาหํ อชฺช ขาทามิ, ปิฎฺฐิมํสานิ อตฺตโนฯ
Yathāhaṃ ajja khādāmi, piṭṭhimaṃsāni attano.
๕๐๖.
506.
‘‘ตยิทํ ตยา นารท สามํ ทิฎฺฐํ, อนุกมฺปกา เย กุสลา วเทยฺยุํ;
‘‘Tayidaṃ tayā nārada sāmaṃ diṭṭhaṃ, anukampakā ye kusalā vadeyyuṃ;
มา เปสุณํ มา จ มุสา อภาณิ, มา โขสิ ปิฎฺฐิมํสิโก ตุว’’นฺติฯ
Mā pesuṇaṃ mā ca musā abhāṇi, mā khosi piṭṭhimaṃsiko tuva’’nti.
กูฎวินิจฺฉยิกเปตวตฺถุ นวมํฯ
Kūṭavinicchayikapetavatthu navamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๙. กูฎวินิจฺฉยิกเปตวตฺถุวณฺณนา • 9. Kūṭavinicchayikapetavatthuvaṇṇanā
