| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁၀. ဒုတိယမရဏသ္သတိသုတ္တဝဏ္ဏနာ
10. Dutiyamaraṇassatisuttavaṇṇanā
၂၀. ဒသမေ ပတိဂတာယာတိ ပဋိပန္နာယ။ ဣတိ ပဋိသဉ္စိက္ခတီတိ ဧဝံ ပစ္စဝေက္ခတိ။ သော မမသ္သ အန္တရာယောတိ ဧတ္ထ တိဝိဓော အန္တရာယော ဇီဝိတန္တရာယော, သမဏဓမ္မန္တရာယော, ပုထုဇ္ဇနကာလကိရိယံ ကရောန္တသ္သ သဂ္ဂန္တရာယော စေဝ မဂ္ဂန္တရာယော စာတိ။ တံ သဗ္ဗမ္ပိ သန္ဓာယေဝမာဟ။ ဗ္ယာပဇ္ဇေယ္ယာတိ အဇိဏ္ဏကာဒိဝသေန ဝိပဇ္ဇေယ္ယ။ အဓိမတ္တောတိ ဗလဝာ။ ဆန္ဒောတိ ကတ္တုကမ္ယတာဆန္ဒော။ ဝာယာမောတိ ပယောဂဝီရိယံ။ ဥသ္သာဟောတိ ဥသ္သာပနဝီရိယံ။ ဥသ္သောဠ္ဟီတိ သမ္ပာဒနဝီရိယံ။ အပ္ပဋိဝာနီတိ အနုက္ကဏ္ဌနာ အပ္ပဋိသင္ဃရဏာ။ သေသံ သဗ္ဗတ္ထ ဥတ္တာနတ္ထမေဝာတိ။
20. Dasame patigatāyāti paṭipannāya. Iti paṭisañcikkhatīti evaṃ paccavekkhati. So mamassa antarāyoti ettha tividho antarāyo jīvitantarāyo, samaṇadhammantarāyo, puthujjanakālakiriyaṃ karontassa saggantarāyo ceva maggantarāyo cāti. Taṃ sabbampi sandhāyevamāha. Byāpajjeyyāti ajiṇṇakādivasena vipajjeyya. Adhimattoti balavā. Chandoti kattukamyatāchando. Vāyāmoti payogavīriyaṃ. Ussāhoti ussāpanavīriyaṃ. Ussoḷhīti sampādanavīriyaṃ. Appaṭivānīti anukkaṇṭhanā appaṭisaṅgharaṇā. Sesaṃ sabbattha uttānatthamevāti.
သာရဏီယဝဂ္ဂော ဒုတိယော။
Sāraṇīyavaggo dutiyo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. ဒုတိယမရဏသ္သတိသုတ္တံ • 10. Dutiyamaraṇassatisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁၀. ဒုတိယမရဏသ္သတိသုတ္တဝဏ္ဏနာ • 10. Dutiyamaraṇassatisuttavaṇṇanā
