| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. အနုတ္တရိယဝဂ္ဂော
3. Anuttariyavaggo
၁-၂. သာမကသုတ္တာဒိဝဏ္ဏနာ
1-2. Sāmakasuttādivaṇṇanā
၂၁-၂၂. တတိယသ္သ ပဌမေ သာမဂာမကေတိ သာမကာနံ ဥသ္သန္နတ္တာ ဧဝံလဒ္ဓနာမေ ဂာမကေ။ ပောက္ခရဏိယာယန္တိ ပောက္ခရဏိယာနာမကေ ဝိဟာရေ။ အဘိက္ကန္တာယ ရတ္တိယာတိ ရတ္တိယာ ပဌမယာမံ အတိက္ကမ္မ မဇ္ဈိမယာမေ သမ္ပတ္တေ။ အဘိက္ကန္တဝဏ္ဏာတိ အဘိက္ကန္တအတိမနာပဝဏ္ဏာ။ ကေဝလကပ္ပန္တိ သကလကပ္ပံ။ ပောက္ခရဏိယံ ဩဘာသေတ္ဝာတိ ပောက္ခရဏိယာနာမကံ မဟာဝိဟာရံ အတ္တနော ဩဘာသေန ဖရိတ္ဝာ။ သမနုညောတိ သမာနအနုညော သမာနစိတ္တော။ ဒောဝစသ္သတာတိ ဒုဗ္ဗစဘာဝော။ ပာပမိတ္တတာတိ လာမကမိတ္တတာ ။ ဣမသ္မိံ သုတ္တေ ပရိဟာနိယဓမ္မာဝ ကထိတာ။ ဒုတိယေ အပရိဟာနိယဓမ္မာ လောကုတ္တရမိသ္သကာ ကထိတာ။
21-22. Tatiyassa paṭhame sāmagāmaketi sāmakānaṃ ussannattā evaṃladdhanāme gāmake. Pokkharaṇiyāyanti pokkharaṇiyānāmake vihāre. Abhikkantāya rattiyāti rattiyā paṭhamayāmaṃ atikkamma majjhimayāme sampatte. Abhikkantavaṇṇāti abhikkantaatimanāpavaṇṇā. Kevalakappanti sakalakappaṃ. Pokkharaṇiyaṃ obhāsetvāti pokkharaṇiyānāmakaṃ mahāvihāraṃ attano obhāsena pharitvā. Samanuññoti samānaanuñño samānacitto. Dovacassatāti dubbacabhāvo. Pāpamittatāti lāmakamittatā . Imasmiṃ sutte parihāniyadhammāva kathitā. Dutiye aparihāniyadhammā lokuttaramissakā kathitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၁. သာမကသုတ္တံ • 1. Sāmakasuttaṃ
၂. အပရိဟာနိယသုတ္တံ • 2. Aparihāniyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၂. သာမကသုတ္တာဒိဝဏ္ဏနာ • 1-2. Sāmakasuttādivaṇṇanā
