| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
१०. दुतियमरणस्सतिसुत्तवण्णना
10. Dutiyamaraṇassatisuttavaṇṇanā
२०. दसमे पतिगतायाति पटिपन्नाय। इति पटिसञ्चिक्खतीति एवं पच्चवेक्खति। सो ममस्स अन्तरायोति एत्थ तिविधो अन्तरायो जीवितन्तरायो, समणधम्मन्तरायो, पुथुज्जनकालकिरियं करोन्तस्स सग्गन्तरायो चेव मग्गन्तरायो चाति। तं सब्बम्पि सन्धायेवमाह। ब्यापज्जेय्याति अजिण्णकादिवसेन विपज्जेय्य। अधिमत्तोति बलवा। छन्दोति कत्तुकम्यताछन्दो। वायामोति पयोगवीरियं। उस्साहोति उस्सापनवीरियं। उस्सोळ्हीति सम्पादनवीरियं। अप्पटिवानीति अनुक्कण्ठना अप्पटिसङ्घरणा। सेसं सब्बत्थ उत्तानत्थमेवाति।
20. Dasame patigatāyāti paṭipannāya. Iti paṭisañcikkhatīti evaṃ paccavekkhati. So mamassa antarāyoti ettha tividho antarāyo jīvitantarāyo, samaṇadhammantarāyo, puthujjanakālakiriyaṃ karontassa saggantarāyo ceva maggantarāyo cāti. Taṃ sabbampi sandhāyevamāha. Byāpajjeyyāti ajiṇṇakādivasena vipajjeyya. Adhimattoti balavā. Chandoti kattukamyatāchando. Vāyāmoti payogavīriyaṃ. Ussāhoti ussāpanavīriyaṃ. Ussoḷhīti sampādanavīriyaṃ. Appaṭivānīti anukkaṇṭhanā appaṭisaṅgharaṇā. Sesaṃ sabbattha uttānatthamevāti.
सारणीयवग्गो दुतियो।
Sāraṇīyavaggo dutiyo.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १०. दुतियमरणस्सतिसुत्तं • 10. Dutiyamaraṇassatisuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १०. दुतियमरणस्सतिसुत्तवण्णना • 10. Dutiyamaraṇassatisuttavaṇṇanā
