| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
३. अनुत्तरियवग्गो
3. Anuttariyavaggo
१-२. सामकसुत्तादिवण्णना
1-2. Sāmakasuttādivaṇṇanā
२१-२२. ततियस्स पठमे सामगामकेति सामकानं उस्सन्नत्ता एवंलद्धनामे गामके। पोक्खरणियायन्ति पोक्खरणियानामके विहारे। अभिक्कन्ताय रत्तियाति रत्तिया पठमयामं अतिक्कम्म मज्झिमयामे सम्पत्ते। अभिक्कन्तवण्णाति अभिक्कन्तअतिमनापवण्णा। केवलकप्पन्ति सकलकप्पं। पोक्खरणियं ओभासेत्वाति पोक्खरणियानामकं महाविहारं अत्तनो ओभासेन फरित्वा। समनुञ्ञोति समानअनुञ्ञो समानचित्तो। दोवचस्सताति दुब्बचभावो। पापमित्तताति लामकमित्तता । इमस्मिं सुत्ते परिहानियधम्माव कथिता। दुतिये अपरिहानियधम्मा लोकुत्तरमिस्सका कथिता।
21-22. Tatiyassa paṭhame sāmagāmaketi sāmakānaṃ ussannattā evaṃladdhanāme gāmake. Pokkharaṇiyāyanti pokkharaṇiyānāmake vihāre. Abhikkantāya rattiyāti rattiyā paṭhamayāmaṃ atikkamma majjhimayāme sampatte. Abhikkantavaṇṇāti abhikkantaatimanāpavaṇṇā. Kevalakappanti sakalakappaṃ. Pokkharaṇiyaṃ obhāsetvāti pokkharaṇiyānāmakaṃ mahāvihāraṃ attano obhāsena pharitvā. Samanuññoti samānaanuñño samānacitto. Dovacassatāti dubbacabhāvo. Pāpamittatāti lāmakamittatā . Imasmiṃ sutte parihāniyadhammāva kathitā. Dutiye aparihāniyadhammā lokuttaramissakā kathitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. सामकसुत्तं • 1. Sāmakasuttaṃ
२. अपरिहानियसुत्तं • 2. Aparihāniyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-२. सामकसुत्तादिवण्णना • 1-2. Sāmakasuttādivaṇṇanā
