| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. དུཏིཡཀཎྷསཔྤསུཏྟཾ
10. Dutiyakaṇhasappasuttaṃ
༢༣༠. ‘‘པཉྩིམེ, བྷིཀྑཝེ, ཨཱདཱིནཝཱ ཀཎྷསཔྤེ། ཀཏམེ པཉྩ? ཀོདྷནོ, ཨུཔནཱཧཱི, གྷོརཝིསོ, དུཛྫིཝ྄ཧོ, མིཏྟདུབྦྷཱི – ཨིམེ ཁོ, བྷིཀྑཝེ, པཉྩ ཨཱདཱིནཝཱ ཀཎྷསཔྤེ།
230. ‘‘Pañcime, bhikkhave, ādīnavā kaṇhasappe. Katame pañca? Kodhano, upanāhī, ghoraviso, dujjivho, mittadubbhī – ime kho, bhikkhave, pañca ādīnavā kaṇhasappe.
‘‘ཨེཝམེཝཾ ཁོ, བྷིཀྑཝེ, པཉྩིམེ ཨཱདཱིནཝཱ མཱཏུགཱམེ། ཀཏམེ པཉྩ? ཀོདྷནོ, ཨུཔནཱཧཱི, གྷོརཝིསོ, དུཛྫིཝ྄ཧོ, མིཏྟདུབྦྷཱི། ཏཏྲིདཾ, བྷིཀྑཝེ, མཱཏུགཱམསྶ གྷོརཝིསཏཱ – ཡེབྷུཡྻེན, བྷིཀྑཝེ, མཱཏུགཱམོ ཏིབྦརཱགོ། ཏཏྲིདཾ, བྷིཀྑཝེ, མཱཏུགཱམསྶ དུཛྫིཝ྄ཧཏཱ – ཡེབྷུཡྻེན, བྷིཀྑཝེ, མཱཏུགཱམོ པིསུཎཝཱཙོ། ཏཏྲིདཾ, བྷིཀྑཝེ, མཱཏུགཱམསྶ མིཏྟདུབྦྷིཏཱ – ཡེབྷུཡྻེན , བྷིཀྑཝེ, མཱཏུགཱམོ ཨཏིཙཱརིནཱི། ཨིམེ ཁོ, བྷིཀྑཝེ, པཉྩ ཨཱདཱིནཝཱ མཱཏུགཱམེ’’ཏི། དསམཾ།
‘‘Evamevaṃ kho, bhikkhave, pañcime ādīnavā mātugāme. Katame pañca? Kodhano, upanāhī, ghoraviso, dujjivho, mittadubbhī. Tatridaṃ, bhikkhave, mātugāmassa ghoravisatā – yebhuyyena, bhikkhave, mātugāmo tibbarāgo. Tatridaṃ, bhikkhave, mātugāmassa dujjivhatā – yebhuyyena, bhikkhave, mātugāmo pisuṇavāco. Tatridaṃ, bhikkhave, mātugāmassa mittadubbhitā – yebhuyyena , bhikkhave, mātugāmo aticārinī. Ime kho, bhikkhave, pañca ādīnavā mātugāme’’ti. Dasamaṃ.
དཱིགྷཙཱརིཀཝགྒོ ཏཏིཡོ།
Dīghacārikavaggo tatiyo.
ཏསྶུདྡཱནཾ –
Tassuddānaṃ –
དྭེ དཱིགྷཙཱརིཀཱ ཝུཏྟཱ, ཨཏིནིཝཱསམཙྪརཱི།
Dve dīghacārikā vuttā, atinivāsamaccharī;
དྭེ ཙ ཀུལཱུཔཀཱ བྷོགཱ, བྷཏྟཾ སཔྤཱཔརེ དུཝེཏི༎
Dve ca kulūpakā bhogā, bhattaṃ sappāpare duveti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. དུཏིཡཀཎྷསཔྤསུཏྟཝཎྞནཱ • 10. Dutiyakaṇhasappasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. པཋམདཱིགྷཙཱརིཀསུཏྟཱདིཝཎྞནཱ • 1-10. Paṭhamadīghacārikasuttādivaṇṇanā
