| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
(༢༤) ༤. ཨཱཝཱསིཀཝགྒོ
(24) 4. Āvāsikavaggo
༡. ཨཱཝཱསིཀསུཏྟཾ
1. Āvāsikasuttaṃ
༢༣༡. ‘‘པཉྩཧི , བྷིཀྑཝེ, དྷམྨེཧི སམནྣཱགཏོ ཨཱཝཱསིཀོ བྷིཀྑུ ཨབྷཱཝནཱིཡོ ཧོཏི། ཀཏམེཧི པཉྩཧི? ན ཨཱཀཔྤསམྤནྣོ ཧོཏི ན ཝཏྟསམྤནྣོ; ན བཧུསྶུཏོ ཧོཏི ན སུཏདྷརོ; ན པཊིསལླེཁིཏཱ 1 ཧོཏི ན པཊིསལླཱནཱརཱམོ; ན ཀལྱཱཎཝཱཙོ ཧོཏི ན ཀལྱཱཎཝཱཀྐརཎོ; དུཔྤཉྙོ ཧོཏི ཛལོ༹ ཨེལ༹མཱུགོ། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ ཨཱཝཱསིཀོ བྷིཀྑུ ཨབྷཱཝནཱིཡོ ཧོཏི།
231. ‘‘Pañcahi , bhikkhave, dhammehi samannāgato āvāsiko bhikkhu abhāvanīyo hoti. Katamehi pañcahi? Na ākappasampanno hoti na vattasampanno; na bahussuto hoti na sutadharo; na paṭisallekhitā 2 hoti na paṭisallānārāmo; na kalyāṇavāco hoti na kalyāṇavākkaraṇo; duppañño hoti jaḷo eḷamūgo. Imehi kho, bhikkhave, pañcahi dhammehi samannāgato āvāsiko bhikkhu abhāvanīyo hoti.
‘‘པཉྩཧི, བྷིཀྑཝེ, དྷམྨེཧི སམནྣཱགཏོ ཨཱཝཱསིཀོ བྷིཀྑུ བྷཱཝནཱིཡོ ཧོཏི། ཀཏམེཧི པཉྩཧི? ཨཱཀཔྤསམྤནྣོ ཧོཏི ཝཏྟསམྤནྣོ; བཧུསྶུཏོ ཧོཏི སུཏདྷརོ; པཊིསལླེཁིཏཱ ཧོཏི པཊིསལླཱནཱརཱམོ; ཀལྱཱཎཝཱཙོ ཧོཏི ཀལྱཱཎཝཱཀྐརཎོ; པཉྙཝཱ ཧོཏི ཨཛལོ༹ ཨནེལ༹མཱུགོ། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ ཨཱཝཱསིཀོ བྷིཀྑུ བྷཱཝནཱིཡོ ཧོཏཱི’’ཏི། པཋམཾ།
‘‘Pañcahi, bhikkhave, dhammehi samannāgato āvāsiko bhikkhu bhāvanīyo hoti. Katamehi pañcahi? Ākappasampanno hoti vattasampanno; bahussuto hoti sutadharo; paṭisallekhitā hoti paṭisallānārāmo; kalyāṇavāco hoti kalyāṇavākkaraṇo; paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato āvāsiko bhikkhu bhāvanīyo hotī’’ti. Paṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. ཨཱཝཱསིཀསུཏྟཝཎྞནཱ • 1. Āvāsikasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. པཋམདཱིགྷཙཱརིཀསུཏྟཱདིཝཎྞནཱ • 1-10. Paṭhamadīghacārikasuttādivaṇṇanā
