| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. দুতিযকণ্হসপ্পসুত্তং
10. Dutiyakaṇhasappasuttaṃ
২৩০. ‘‘পঞ্চিমে, ভিক্খৰে, আদীনৰা কণ্হসপ্পে। কতমে পঞ্চ? কোধনো, উপনাহী, ঘোরৰিসো, দুজ্জিৰ্হো, মিত্তদুব্ভী – ইমে খো, ভিক্খৰে, পঞ্চ আদীনৰা কণ্হসপ্পে।
230. ‘‘Pañcime, bhikkhave, ādīnavā kaṇhasappe. Katame pañca? Kodhano, upanāhī, ghoraviso, dujjivho, mittadubbhī – ime kho, bhikkhave, pañca ādīnavā kaṇhasappe.
‘‘এৰমেৰং খো, ভিক্খৰে, পঞ্চিমে আদীনৰা মাতুগামে। কতমে পঞ্চ? কোধনো, উপনাহী, ঘোরৰিসো, দুজ্জিৰ্হো, মিত্তদুব্ভী। তত্রিদং, ভিক্খৰে, মাতুগামস্স ঘোরৰিসতা – যেভুয্যেন, ভিক্খৰে, মাতুগামো তিব্বরাগো। তত্রিদং, ভিক্খৰে, মাতুগামস্স দুজ্জিৰ্হতা – যেভুয্যেন, ভিক্খৰে, মাতুগামো পিসুণৰাচো। তত্রিদং, ভিক্খৰে, মাতুগামস্স মিত্তদুব্ভিতা – যেভুয্যেন , ভিক্খৰে, মাতুগামো অতিচারিনী। ইমে খো, ভিক্খৰে, পঞ্চ আদীনৰা মাতুগামে’’তি। দসমং।
‘‘Evamevaṃ kho, bhikkhave, pañcime ādīnavā mātugāme. Katame pañca? Kodhano, upanāhī, ghoraviso, dujjivho, mittadubbhī. Tatridaṃ, bhikkhave, mātugāmassa ghoravisatā – yebhuyyena, bhikkhave, mātugāmo tibbarāgo. Tatridaṃ, bhikkhave, mātugāmassa dujjivhatā – yebhuyyena, bhikkhave, mātugāmo pisuṇavāco. Tatridaṃ, bhikkhave, mātugāmassa mittadubbhitā – yebhuyyena , bhikkhave, mātugāmo aticārinī. Ime kho, bhikkhave, pañca ādīnavā mātugāme’’ti. Dasamaṃ.
দীঘচারিকৰগ্গো ততিযো।
Dīghacārikavaggo tatiyo.
তস্সুদ্দানং –
Tassuddānaṃ –
দ্ৰে দীঘচারিকা ৰুত্তা, অতিনিৰাসমচ্ছরী।
Dve dīghacārikā vuttā, atinivāsamaccharī;
দ্ৰে চ কুলূপকা ভোগা, ভত্তং সপ্পাপরে দুৰেতি॥
Dve ca kulūpakā bhogā, bhattaṃ sappāpare duveti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. দুতিযকণ্হসপ্পসুত্তৰণ্ণনা • 10. Dutiyakaṇhasappasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. পঠমদীঘচারিকসুত্তাদিৰণ্ণনা • 1-10. Paṭhamadīghacārikasuttādivaṇṇanā
