| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(২৪) ৪. আৰাসিকৰগ্গো
(24) 4. Āvāsikavaggo
১. আৰাসিকসুত্তং
1. Āvāsikasuttaṃ
২৩১. ‘‘পঞ্চহি , ভিক্খৰে, ধম্মেহি সমন্নাগতো আৰাসিকো ভিক্খু অভাৰনীযো হোতি। কতমেহি পঞ্চহি? ন আকপ্পসম্পন্নো হোতি ন ৰত্তসম্পন্নো; ন বহুস্সুতো হোতি ন সুতধরো; ন পটিসল্লেখিতা 1 হোতি ন পটিসল্লানারামো; ন কল্যাণৰাচো হোতি ন কল্যাণৰাক্করণো; দুপ্পঞ্ঞো হোতি জল়ো এল়মূগো। ইমেহি খো, ভিক্খৰে, পঞ্চহি ধম্মেহি সমন্নাগতো আৰাসিকো ভিক্খু অভাৰনীযো হোতি।
231. ‘‘Pañcahi , bhikkhave, dhammehi samannāgato āvāsiko bhikkhu abhāvanīyo hoti. Katamehi pañcahi? Na ākappasampanno hoti na vattasampanno; na bahussuto hoti na sutadharo; na paṭisallekhitā 2 hoti na paṭisallānārāmo; na kalyāṇavāco hoti na kalyāṇavākkaraṇo; duppañño hoti jaḷo eḷamūgo. Imehi kho, bhikkhave, pañcahi dhammehi samannāgato āvāsiko bhikkhu abhāvanīyo hoti.
‘‘পঞ্চহি, ভিক্খৰে, ধম্মেহি সমন্নাগতো আৰাসিকো ভিক্খু ভাৰনীযো হোতি। কতমেহি পঞ্চহি? আকপ্পসম্পন্নো হোতি ৰত্তসম্পন্নো; বহুস্সুতো হোতি সুতধরো; পটিসল্লেখিতা হোতি পটিসল্লানারামো; কল্যাণৰাচো হোতি কল্যাণৰাক্করণো; পঞ্ঞৰা হোতি অজল়ো অনেল়মূগো। ইমেহি খো, ভিক্খৰে, পঞ্চহি ধম্মেহি সমন্নাগতো আৰাসিকো ভিক্খু ভাৰনীযো হোতী’’তি। পঠমং।
‘‘Pañcahi, bhikkhave, dhammehi samannāgato āvāsiko bhikkhu bhāvanīyo hoti. Katamehi pañcahi? Ākappasampanno hoti vattasampanno; bahussuto hoti sutadharo; paṭisallekhitā hoti paṭisallānārāmo; kalyāṇavāco hoti kalyāṇavākkaraṇo; paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato āvāsiko bhikkhu bhāvanīyo hotī’’ti. Paṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. আৰাসিকসুত্তৰণ্ণনা • 1. Āvāsikasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. পঠমদীঘচারিকসুত্তাদিৰণ্ণনা • 1-10. Paṭhamadīghacārikasuttādivaṇṇanā
