| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. ဒုတိယအဝိဇ္ဇာပဟာနသုတ္တဝဏ္ဏနာ
7. Dutiyaavijjāpahānasuttavaṇṇanā
၈၀. အနိစ္စာဒိဝသေန အဘိနိဝိသနံ အဘိနိဝေသော, သော ဧဝ ဓမ္မသဘာဝံ အတိက္ကမိတ္ဝာ ပရတော အာမသနတော ပရာမာသော, သော ဧဝ ဂာဟော။ တေန အဘိနိဝေသပရာမာသဂ္ဂာဟေန ဂဏ္ဟိတုံ န ယုတ္တာ အနိစ္စာဒိသဘာဝတ္တာ။ သင္ခာရာ ဧဝ ပဝတ္တိယာ ကာရဏဘာဝတော သင္ခာရနိမိတ္တာနိ။ ယော သင္ခာရေသု အပရိညာတာဘိနိဝေသေန ပသ္သိတဗ္ဗော အတ္တာကာရော, သော န ဟောတီတိ အညော အနတ္တာကာရော, တတော အညတော ပသ္သတိ။ ပရိညာတာဘိနိဝေသောတိ တီရဏပရိညာယ ပရိစ္ဆိဇ္ဇ ဉာတမိစ္ဆာဘိနိဝေသော။ ပရိညာတာဘိနိဝေသောတိ ဝာ ပရိညာတဝိပသ္သနာဘိနိဝေသော။ ဝိပသ္သနာတိ အရူပသတ္တကဝသေန ဝိပသ္သနာယ ပရိဇာနိတဗ္ဗာ။
80. Aniccādivasena abhinivisanaṃ abhiniveso, so eva dhammasabhāvaṃ atikkamitvā parato āmasanato parāmāso, so eva gāho. Tena abhinivesaparāmāsaggāhena gaṇhituṃ na yuttā aniccādisabhāvattā. Saṅkhārā eva pavattiyā kāraṇabhāvato saṅkhāranimittāni. Yo saṅkhāresu apariññātābhinivesena passitabbo attākāro, so na hotīti añño anattākāro, tato aññato passati. Pariññātābhinivesoti tīraṇapariññāya paricchijja ñātamicchābhiniveso. Pariññātābhinivesoti vā pariññātavipassanābhiniveso. Vipassanāti arūpasattakavasena vipassanāya parijānitabbā.
ဒုတိယအဝိဇ္ဇာပဟာနသုတ္တဝဏ္ဏနာ နိဋ္ဌိတာ။
Dutiyaavijjāpahānasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဒုတိယအဝိဇ္ဇာပဟာနသုတ္တံ • 7. Dutiyaavijjāpahānasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဒုတိယအဝိဇ္ဇာပဟာနသုတ္တဝဏ္ဏနာ • 7. Dutiyaavijjāpahānasuttavaṇṇanā
