| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၇. ဒုတိယအဝိဇ္ဇာပဟာနသုတ္တဝဏ္ဏနာ
7. Dutiyaavijjāpahānasuttavaṇṇanā
၈၀. သတ္တမေ သဗ္ဗေ ဓမ္မာတိ သဗ္ဗေ တေဘူမကဓမ္မာ။ နာလံ အဘိနိဝေသာယာတိ အဘိနိဝေသပရာမာသဂ္ဂာဟေန ဂဏ္ဟိတုံ န ယုတ္တာ။ သဗ္ဗနိမိတ္တာနီတိ သဗ္ဗာနိ သင္ခာရနိမိတ္တာနိ။ အညတော ပသ္သတီတိ ယထာ အပရိညာတာဘိနိဝေသော ဇနော ပသ္သတိ, တတော အညတော ပသ္သတိ။ အပရိညာတာဘိနိဝေသော ဟိ ဇနော သဗ္ဗနိမိတ္တာနိပိ အတ္တတော ပသ္သတိ။ ပရိညာတာဘိနိဝေသော ပန အနတ္တတော ပသ္သတိ, နော အတ္တတောတိ ဧဝံ ဣမသ္မိံ သုတ္တေ အနတ္တလက္ခဏမေဝ ကထိတံ။
80. Sattame sabbe dhammāti sabbe tebhūmakadhammā. Nālaṃ abhinivesāyāti abhinivesaparāmāsaggāhena gaṇhituṃ na yuttā. Sabbanimittānīti sabbāni saṅkhāranimittāni. Aññato passatīti yathā apariññātābhiniveso jano passati, tato aññato passati. Apariññātābhiniveso hi jano sabbanimittānipi attato passati. Pariññātābhiniveso pana anattato passati, no attatoti evaṃ imasmiṃ sutte anattalakkhaṇameva kathitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဒုတိယအဝိဇ္ဇာပဟာနသုတ္တံ • 7. Dutiyaavijjāpahānasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. ဒုတိယအဝိဇ္ဇာပဟာနသုတ္တဝဏ္ဏနာ • 7. Dutiyaavijjāpahānasuttavaṇṇanā
