| Tipiṭaka / တိပိဋက • Tipiṭaka / ဣတိဝုတ္တကပာဠိ • Itivuttakapāḷi |
၈. ဒုတိယအာသဝသုတ္တံ
8. Dutiyaāsavasuttaṃ
၅၇. ဝုတ္တဉ္ဟေတံ ဘဂဝတာ, ဝုတ္တမရဟတာတိ မေ သုတံ –
57. Vuttañhetaṃ bhagavatā, vuttamarahatāti me sutaṃ –
‘‘တယောမေ, ဘိက္ခဝေ, အာသဝာ။ ကတမေ တယော? ကာမာသဝော, ဘဝာသဝော, အဝိဇ္ဇာသဝော – ဣမေ ခော, ဘိက္ခဝေ, တယော အာသဝာ’’တိ။ ဧတမတ္ထံ ဘဂဝာ အဝောစ။ တတ္ထေတံ ဣတိ ဝုစ္စတိ –
‘‘Tayome, bhikkhave, āsavā. Katame tayo? Kāmāsavo, bhavāsavo, avijjāsavo – ime kho, bhikkhave, tayo āsavā’’ti. Etamatthaṃ bhagavā avoca. Tatthetaṃ iti vuccati –
‘‘ယသ္သ ကာမာသဝော ခီဏော၊ အဝိဇ္ဇာ စ ဝိရာဇိတာ။
‘‘Yassa kāmāsavo khīṇo, avijjā ca virājitā;
ဘဝာသဝော ပရိက္ခီဏော၊ ဝိပ္ပမုတ္တော နိရူပဓိ။
Bhavāsavo parikkhīṇo, vippamutto nirūpadhi;
ဓာရေတိ အန္တိမံ ဒေဟံ၊ ဇေတ္ဝာ မာရံ သဝာဟိနိ’’န္တိ 1။
Dhāreti antimaṃ dehaṃ, jetvā māraṃ savāhini’’nti 2.
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ။ အဋ္ဌမံ။
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဣတိဝုတ္တက-အဋ္ဌကထာ • Itivuttaka-aṭṭhakathā / ၇-၈. အာသဝသုတ္တဒ္ဝယဝဏ္ဏနာ • 7-8. Āsavasuttadvayavaṇṇanā
