| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၇. ဒုတိယအညတရဘိက္ခုသုတ္တဝဏ္ဏနာ
7. Dutiyaaññatarabhikkhusuttavaṇṇanā
၇. သတ္တမေ နိဗ္ဗာနဓာတုယာ ခော ဧတံ ဘိက္ခု အဓိဝစနန္တိ အသင္ခတာယ အမတာယ နိဗ္ဗာနဓာတုယာ ဧတံ အဓိဝစနံ။ အာသဝာနံ ခယော တေန ဝုစ္စတီတိ အပိစ တေန ရာဂာဒိဝိနယေန အာသဝာနံ ခယောတိပိ ဝုစ္စတိ။ အာသဝက္ခယော နာမ အရဟတ္တံ, အရဟတ္တသ္သာပိ ဧတံ ရာဂဝိနယောတိအာဒိ နာမမေဝာတိ ဒီပေတိ။ ဧတဒဝောစာတိ ‘‘သတ္ထာရာ နိဗ္ဗာနဓာတူတိ ဝဒန္တေန အမတံ နိဗ္ဗာနံ ကထိတံ, မဂ္ဂော ပနသ္သ န ကထိတော။ တံ ကထာပေသ္သာမီ’’တိ အနုသန္ဓိကုသလတာယ ပုစ္ဆန္တော ဧတံ အဝောစ။
7. Sattame nibbānadhātuyā kho etaṃ bhikkhu adhivacananti asaṅkhatāya amatāya nibbānadhātuyā etaṃ adhivacanaṃ. Āsavānaṃ khayo tena vuccatīti apica tena rāgādivinayena āsavānaṃ khayotipi vuccati. Āsavakkhayo nāma arahattaṃ, arahattassāpi etaṃ rāgavinayotiādi nāmamevāti dīpeti. Etadavocāti ‘‘satthārā nibbānadhātūti vadantena amataṃ nibbānaṃ kathitaṃ, maggo panassa na kathito. Taṃ kathāpessāmī’’ti anusandhikusalatāya pucchanto etaṃ avoca.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဒုတိယအညတရဘိက္ခုသုတ္တံ • 7. Dutiyaaññatarabhikkhusuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. ဒုတိယအညတရဘိက္ခုသုတ္တဝဏ္ဏနာ • 7. Dutiyaaññatarabhikkhusuttavaṇṇanā
