| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
४-५. दुतियअग्गिसुत्तादिवण्णना
4-5. Dutiyaaggisuttādivaṇṇanā
४७-४८. चतुत्थे यञ्ञवाटं सम्पादेत्वा महायञ्ञं उद्दिस्स सविञ्ञाणकानि अविञ्ञाणकानि च यञ्ञूपकरणानि सज्जितानीति आह पाळियं ‘‘महायञ्ञो उपक्खटो’’ति। तं उपकरणं तेसं तथासज्जनन्ति आह ‘‘उपक्खटोति पच्चुपट्ठितो’’ति। वच्छतरसतानीति युवभावप्पत्तानि नातिबलववच्छसतानि। ते पन वच्छा एव होन्ति, न दम्मा, बलीबद्दा वा। उरब्भाति तरुणमेण्डका वुच्चन्ति। उपनीतानीति ठपनत्थाय उपनीतानि। विहिंसट्ठेनाति हिंसनट्ठेन। उपवायतूति उपगन्त्वा सरीरदरथं निब्बापेन्तो सण्हसीतला वातो वायतु। सेसं सुविञ्ञेय्यमेव। पञ्चमे नत्थि वत्तब्बं।
47-48. Catutthe yaññavāṭaṃ sampādetvā mahāyaññaṃ uddissa saviññāṇakāni aviññāṇakāni ca yaññūpakaraṇāni sajjitānīti āha pāḷiyaṃ ‘‘mahāyañño upakkhaṭo’’ti. Taṃ upakaraṇaṃ tesaṃ tathāsajjananti āha ‘‘upakkhaṭoti paccupaṭṭhito’’ti. Vacchatarasatānīti yuvabhāvappattāni nātibalavavacchasatāni. Te pana vacchā eva honti, na dammā, balībaddā vā. Urabbhāti taruṇameṇḍakā vuccanti. Upanītānīti ṭhapanatthāya upanītāni. Vihiṃsaṭṭhenāti hiṃsanaṭṭhena. Upavāyatūti upagantvā sarīradarathaṃ nibbāpento saṇhasītalā vāto vāyatu. Sesaṃ suviññeyyameva. Pañcame natthi vattabbaṃ.
दुतियअग्गिसुत्तादिवण्णना निट्ठिता।
Dutiyaaggisuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
४. दुतियअग्गिसुत्तं • 4. Dutiyaaggisuttaṃ
५. पठमसञ्ञासुत्तं • 5. Paṭhamasaññāsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
४. दुतियअग्गिसुत्तवण्णना • 4. Dutiyaaggisuttavaṇṇanā
५-६. सञ्ञासुत्तद्वयवण्णना • 5-6. Saññāsuttadvayavaṇṇanā
