| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༡༠. དུཏིཡཨགཱརཝསུཏྟཝཎྞནཱ
10. Dutiyaagāravasuttavaṇṇanā
༡༠. དསམེ ཝུདྡྷིནྟིཨཱདཱིསུ སཱིལེན ཝུདྡྷིཾ, མགྒེན ཝིརུལ༹ྷིཾ, ནིབྦཱནེན ཝེཔུལླཾ། སཱིལསམཱདྷཱིཧི ཝཱ ཝུདྡྷིཾ, ཝིཔསྶནཱམགྒེཧི ཝིརུལ༹ྷིཾ, ཕལནིབྦཱནེཧི ཝེཔུལླཾ། ཨེཏྠ ཙ ཡསྶ ཙཏུབྦིདྷཾ སཱིལཾ ཨཁཎྜཱདིབྷཱཝཔྤཝཏྟིཡཱ སུཔརིསུདྡྷཾ ཝིསེསབྷཱགིཡཏྟཱ ཨཔྤཀསིརེནེཝ མགྒཕལཱཝཧཾ སངྒྷརཀྑིཏཏྠེརསྶ ཝིཡ, སོ ཏཱདིསེན སཱིལེན ཨིམསྨིཾ དྷམྨཝིནཡེ ཝུདྡྷིཾ ཨཱཔཛྫིསྶཏི། ཏེན ཝུཏྟཾ – ‘‘སཱིལེན ཝུདྡྷི’’ནྟི། ཡསྶ པན ཨརིཡམགྒོ ཨུཔྤནྣོ, སོ ཝིརཱུལ༹ྷམཱུལོ ཝིཡ པཱདཔོ སུཔྤཏིཊྛིཏཏྟཱ སཱསནེ ཝིརཱུལ༹ྷིཾ ཨཱཔནྣོ ནཱམ ཧོཏི། ཏེན ཝུཏྟཾ – ‘‘མགྒེན ཝིརཱུལ༹ྷི’’ནྟི། ཡོ སབྦཀིལེསནིབྦཱནཔྤཏྟོ, སོ ཨརཧཱ སཱིལཱདིདྷམྨཀྑནྡྷཔཱརིཔཱུརིཡཱ སཏི ཝེཔུལླཔྤཏྟོ ཧོཏི། ཏེན ཝུཏྟཾ ‘‘ནིབྦཱནེན ཝེཔུལླ’’ནྟི། དུཏིཡཝིཀཔྤེ ཨཏྠོ ཝུཏྟནཡཱནུསཱརེན ཝེདིཏབྦོ།
10. Dasame vuddhintiādīsu sīlena vuddhiṃ, maggena viruḷhiṃ, nibbānena vepullaṃ. Sīlasamādhīhi vā vuddhiṃ, vipassanāmaggehi viruḷhiṃ, phalanibbānehi vepullaṃ. Ettha ca yassa catubbidhaṃ sīlaṃ akhaṇḍādibhāvappavattiyā suparisuddhaṃ visesabhāgiyattā appakasireneva maggaphalāvahaṃ saṅgharakkhitattherassa viya, so tādisena sīlena imasmiṃ dhammavinaye vuddhiṃ āpajjissati. Tena vuttaṃ – ‘‘sīlena vuddhi’’nti. Yassa pana ariyamaggo uppanno, so virūḷhamūlo viya pādapo suppatiṭṭhitattā sāsane virūḷhiṃ āpanno nāma hoti. Tena vuttaṃ – ‘‘maggena virūḷhi’’nti. Yo sabbakilesanibbānappatto, so arahā sīlādidhammakkhandhapāripūriyā sati vepullappatto hoti. Tena vuttaṃ ‘‘nibbānena vepulla’’nti. Dutiyavikappe attho vuttanayānusārena veditabbo.
དུཏིཡཨགཱརཝསུཏྟཝཎྞནཱ ནིཊྛིཏཱ།
Dutiyaagāravasuttavaṇṇanā niṭṭhitā.
སེཁབལཝགྒཝཎྞནཱ ནིཊྛིཏཱ།
Sekhabalavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. དུཏིཡཨགཱརཝསུཏྟཾ • 10. Dutiyaagāravasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. དུཏིཡཨགཱརཝསུཏྟཝཎྞནཱ • 10. Dutiyaagāravasuttavaṇṇanā
