| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. དུཏིཡཨགཱརཝསུཏྟཾ
10. Dutiyaagāravasuttaṃ
༡༠. ‘‘པཉྩཧི , བྷིཀྑཝེ, དྷམྨེཧི སམནྣཱགཏོ བྷིཀྑུ ཨགཱརཝོ ཨཔྤཏིསྶོ ཨབྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུཾ། ཀཏམེཧི པཉྩཧི? ཨསྶདྡྷོ, བྷིཀྑཝེ, བྷིཀྑུ ཨགཱརཝོ ཨཔྤཏིསྶོ ཨབྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུཾ། ཨཧིརིཀོ, བྷིཀྑཝེ, བྷིཀྑུ ཨགཱརཝོ ཨཔྤཏིསྶོ ཨབྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུཾ། ཨནོཏྟཔྤཱི, བྷིཀྑཝེ, བྷིཀྑུ ཨགཱརཝོ ཨཔྤཏིསྶོ ཨབྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུཾ། ཀུསཱིཏོ, བྷིཀྑཝེ, བྷིཀྑུ ཨགཱརཝོ ཨཔྤཏིསྶོ ཨབྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུཾ། དུཔྤཉྙོ, བྷིཀྑཝེ, བྷིཀྑུ ཨགཱརཝོ ཨཔྤཏིསྶོ ཨབྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུཾ། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏོ བྷིཀྑུ ཨགཱརཝོ ཨཔྤཏིསྶོ ཨབྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུཾ།
10. ‘‘Pañcahi , bhikkhave, dhammehi samannāgato bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Katamehi pañcahi? Assaddho, bhikkhave, bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Ahiriko, bhikkhave, bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Anottappī, bhikkhave, bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Kusīto, bhikkhave, bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Duppañño, bhikkhave, bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Imehi kho, bhikkhave, pañcahi dhammehi samannāgato bhikkhu agāravo appatisso abhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ.
‘‘པཉྩཧི, བྷིཀྑཝེ, དྷམྨེཧི སམནྣཱགཏོ བྷིཀྑུ སགཱརཝོ སཔྤཏིསྶོ བྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུཾ། ཀཏམེཧི པཉྩཧི? སདྡྷོ, བྷིཀྑཝེ, བྷིཀྑུ སགཱརཝོ སཔྤཏིསྶོ བྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུཾ། ཧིརཱིམཱ, བྷིཀྑཝེ, བྷིཀྑུ…པེ॰… ཨོཏྟཔྤཱི, བྷིཀྑཝེ , བྷིཀྑུ…པེ॰… ཨཱརདྡྷཝཱིརིཡོ, བྷིཀྑཝེ, བྷིཀྑུ…པེ॰… པཉྙཝཱ, བྷིཀྑཝེ, བྷིཀྑུ སགཱརཝོ སཔྤཏིསྶོ བྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུཾ། ཨིམེཧི ཁོ, བྷིཀྑཝེ , པཉྩཧི དྷམྨེཧི སམནྣཱགཏོ བྷིཀྑུ སགཱརཝོ སཔྤཏིསྶོ བྷབྦོ ཨིམསྨིཾ དྷམྨཝིནཡེ ཝུདྡྷིཾ ཝིརཱུལ༹ྷིཾ ཝེཔུལླཾ ཨཱཔཛྫིཏུ’’ནྟི། དསམཾ།
‘‘Pañcahi, bhikkhave, dhammehi samannāgato bhikkhu sagāravo sappatisso bhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Katamehi pañcahi? Saddho, bhikkhave, bhikkhu sagāravo sappatisso bhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Hirīmā, bhikkhave, bhikkhu…pe… ottappī, bhikkhave , bhikkhu…pe… āraddhavīriyo, bhikkhave, bhikkhu…pe… paññavā, bhikkhave, bhikkhu sagāravo sappatisso bhabbo imasmiṃ dhammavinaye vuddhiṃ virūḷhiṃ vepullaṃ āpajjituṃ. Imehi kho, bhikkhave , pañcahi dhammehi samannāgato bhikkhu sagāravo sappatisso bhabbo imasmiṃ dhammavinaye vuddhiṃ virūḷhiṃ vepullaṃ āpajjitu’’nti. Dasamaṃ.
སེཁབལཝགྒོ པཋམོ།
Sekhabalavaggo paṭhamo.
ཏསྶུདྡཱནཾ –
Tassuddānaṃ –
སཾཁིཏྟཾ ཝིཏྠཏཾ དུཀྑཱ, བྷཏཾ སིཀྑཱཡ པཉྩམཾ།
Saṃkhittaṃ vitthataṃ dukkhā, bhataṃ sikkhāya pañcamaṃ;
སམཱཔཏྟི ཙ ཀཱམེསུ, ཙཝནཱ དྭེ ཨགཱརཝཱཏི༎
Samāpatti ca kāmesu, cavanā dve agāravāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. དུཏིཡཨགཱརཝསུཏྟཝཎྞནཱ • 10. Dutiyaagāravasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦. མཧཱསུཔིནསུཏྟཝཎྞནཱ • 6. Mahāsupinasuttavaṇṇanā
