| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༦. དཱུཏེཡྻསུཏྟཝཎྞནཱ
6. Dūteyyasuttavaṇṇanā
༡༦. ཚཊྛེ དཱུཏེཡྻནྟི དཱུཏཀམྨཾ། གནྟུམརཧཏཱིཏི ཏཾ དཱུཏེཡྻསངྑཱཏཾ སཱསནཾ དྷཱརེཏྭཱ ཧརིཏུཾ ཨརཧཏི། སོཏཱཏི ཡོ ཏཾ ཨསྶ སཱསནཾ དེཏི , ཏསྶ སོཏཱ། སཱཝེཏཱཏི ཏཾ ཨུགྒཎྷིཏྭཱ ‘‘ཨིདཾ ནཱམ ཏུམྷེཧི ཝུཏྟ’’ནྟི པཊིསཱཝེཏཱ། ཨུགྒཧེཏཱཏི སུགྒཧིཏཾ ཀཏྭཱ ཨུགྒཧེཏཱ། དྷཱརེཏཱཏི སུདྷཱརིཏཾ ཀཏྭཱ དྷཱརེཏཱ། ཝིཉྙཱཏི ཨཏྠཱནཏྠསྶ ཨཏྠཾ ཛཱནིཏཱ། ཝིཉྙཱཔེཏཱཏི པརཾ ཝིཛཱནཱཔེཏཱ། སཧིཏཱ སཧིཏསྶཱཏི ཨིདཾ སཧིཏཾ, ཨིདཾ ཨསཧིཏནྟི ཨེཝཾ སཧིཏཱསཧིཏསྶ ཀུསལོ, ཨུཔགཏཱནུཔགཏེསུ ཚེཀོ སཱསནཾ ཨཱརོཙེནྟོ སཧིཏཾ སལླཀྑེཏྭཱ ཨཱརོཙེཏི། ན བྱཐཏཱིཏི ཝེདྷཏི ན ཚམྦྷཏི། ཨསནྡིདྡྷནྟི ནིསྶནྡེཧཾ ཝིགཏསཾསཡཾ། པུཙྪིཏོཏི པཉྷཏྠཱཡ པུཙྪིཏོ།
16. Chaṭṭhe dūteyyanti dūtakammaṃ. Gantumarahatīti taṃ dūteyyasaṅkhātaṃ sāsanaṃ dhāretvā harituṃ arahati. Sotāti yo taṃ assa sāsanaṃ deti , tassa sotā. Sāvetāti taṃ uggaṇhitvā ‘‘idaṃ nāma tumhehi vutta’’nti paṭisāvetā. Uggahetāti suggahitaṃ katvā uggahetā. Dhāretāti sudhāritaṃ katvā dhāretā. Viññāti atthānatthassa atthaṃ jānitā. Viññāpetāti paraṃ vijānāpetā. Sahitā sahitassāti idaṃ sahitaṃ, idaṃ asahitanti evaṃ sahitāsahitassa kusalo, upagatānupagatesu cheko sāsanaṃ ārocento sahitaṃ sallakkhetvā āroceti. Na byathatīti vedhati na chambhati. Asandiddhanti nissandehaṃ vigatasaṃsayaṃ. Pucchitoti pañhatthāya pucchito.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༦. དཱུཏེཡྻསུཏྟཾ • 6. Dūteyyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༨. མལསུཏྟཱདིཝཎྞནཱ • 5-8. Malasuttādivaṇṇanā
