426. தீ³பிஜாதகங் (10)

88.

க²மனீயங் யாபனீயங், கச்சி மாதுல தே ஸுக²ங்;

ஸுக²ங் தே அம்மா அவச, ஸுக²காமாவ ¹ தே மயங்.

89.

நங்கு³ட்ட²ங் மே அவக்கம்ம ³, ஹேட²யித்வான ⁴ ஏளிகே ⁵;

ஸாஜ்ஜ மாதுலவாதே³ன, முஞ்சிதப்³பா³ நு மஞ்ஞஸி.

90.

புரத்தா²முகோ² நிஸின்னோஸி, அஹங் தே முக²மாக³தா;

பச்ச²தோ துய்ஹங் நங்கு³ட்ட²ங், கத²ங் க்²வாஹங் அவக்கமிங் ⁹.

91.

யாவதா சதுரோ தீ³பா, ஸஸமுத்³தா³ ஸபப்³ப³தா;

தாவதா மய்ஹங் நங்கு³ட்ட²ங், கத²ங் கோ² த்வங் விவஜ்ஜயி.

92.

புப்³பே³வ மேதமக்கி²ங்ஸு ¹¹, மாதா பிதா ச பா⁴தரோ;

தீ³க⁴ங் து³ட்ட²ஸ்ஸ நங்கு³ட்ட²ங், ஸாம்ஹி வேஹாயஸாக³தா.

93.

தஞ்ச தி³ஸ்வான ஆயந்திங், அந்தலிக்க²ஸ்மி ஏளிகே;

மிக³ஸங்கோ⁴ பலாயித்த², ப⁴க்கோ² மே நாஸிதோ தயா.

94.

இச்சேவங் விலபந்தியா, ஏளகியா ருஹக்³க⁴ஸோ;

க³லகங் அன்வாவமத்³தி³, நத்தி² து³ட்டே² ஸுபா⁴ஸிதங்.

95.

நேவ து³ட்டே² நயோ அத்தி², ந த⁴ம்மோ ந ஸுபா⁴ஸிதங்;

நிக்கமங் து³ட்டே² யுஞ்ஜேத², ஸோ ச ஸப்³பி⁴ங் ந ரஞ்ஜதீதி.

தீ³பிஜாதகங் த³ஸமங்.

அட்ட²கனிபாதங் நிட்டி²தங்.

தஸ்ஸுத்³தா³னங் –

பரிஸுத்³தா⁴ மனாவிலா வத்த²த⁴ரா, ப³கராஜஸ்ஸ காயுரங் த³ண்ட³வரோ;

அத² அங்கா³ர சேதிய தே³விலினா, அத² ஆதி³த்த க³ங்கா³ த³ஸேளகினாதி.