| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༡༠. དཱིགྷཊྛིཔཉྷོ
10. Dīghaṭṭhipañho
༡༠. རཱཛཱ ཨཱཧ ‘‘བྷནྟེ ནཱགསེན, ཏུམྷེ ཨེཝཾ བྷཎཐ ‘ཨཊྛིཀཱནི དཱིགྷཱནི ཡོཛནསཏིཀཱནིཔཱི’ཏི, རུཀྑོཔི ཏཱཝ ནཏྠི ཡོཛནསཏིཀོ, ཀུཏོ པན ཨཊྛིཀཱནི དཱིགྷཱནི ཡོཛནསཏིཀཱནི བྷཝིསྶནྟཱི’’ཏི?
10. Rājā āha ‘‘bhante nāgasena, tumhe evaṃ bhaṇatha ‘aṭṭhikāni dīghāni yojanasatikānipī’ti, rukkhopi tāva natthi yojanasatiko, kuto pana aṭṭhikāni dīghāni yojanasatikāni bhavissantī’’ti?
‘‘ཏཾ ཀིཾ མཉྙསི, མཧཱརཱཛ, སུཏཾ ཏེ ‘མཧཱསམུདྡེ པཉྩཡོཛནསཏིཀཱཔི མཙྪཱ ཨཏྠཱི’’’ཏི? ‘‘ཨཱམ, བྷནྟེ, སུཏ’’ནྟི། ‘‘ནནུ མཧཱརཱཛ, པཉྩཡོཛནསཏིཀསྶ མཙྪསྶ ཨཊྛིཀཱནི དཱིགྷཱནི བྷཝིསྶནྟི ཡོཛནསཏིཀཱནིཔཱི’’ཏི?
‘‘Taṃ kiṃ maññasi, mahārāja, sutaṃ te ‘mahāsamudde pañcayojanasatikāpi macchā atthī’’’ti? ‘‘Āma, bhante, suta’’nti. ‘‘Nanu mahārāja, pañcayojanasatikassa macchassa aṭṭhikāni dīghāni bhavissanti yojanasatikānipī’’ti?
‘‘ཀལློསི , བྷནྟེ ནཱགསེནཱ’’ཏི།
‘‘Kallosi , bhante nāgasenā’’ti.
དཱིགྷཊྛིཔཉྷོ དསམོ།
Dīghaṭṭhipañho dasamo.
