| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
১০. দীঘট্ঠিপঞ্হো
10. Dīghaṭṭhipañho
১০. রাজা আহ ‘‘ভন্তে নাগসেন, তুম্হে এৰং ভণথ ‘অট্ঠিকানি দীঘানি যোজনসতিকানিপী’তি, রুক্খোপি তাৰ নত্থি যোজনসতিকো, কুতো পন অট্ঠিকানি দীঘানি যোজনসতিকানি ভৰিস্সন্তী’’তি?
10. Rājā āha ‘‘bhante nāgasena, tumhe evaṃ bhaṇatha ‘aṭṭhikāni dīghāni yojanasatikānipī’ti, rukkhopi tāva natthi yojanasatiko, kuto pana aṭṭhikāni dīghāni yojanasatikāni bhavissantī’’ti?
‘‘তং কিং মঞ্ঞসি, মহারাজ, সুতং তে ‘মহাসমুদ্দে পঞ্চযোজনসতিকাপি মচ্ছা অত্থী’’’তি? ‘‘আম, ভন্তে, সুত’’ন্তি। ‘‘ননু মহারাজ, পঞ্চযোজনসতিকস্স মচ্ছস্স অট্ঠিকানি দীঘানি ভৰিস্সন্তি যোজনসতিকানিপী’’তি?
‘‘Taṃ kiṃ maññasi, mahārāja, sutaṃ te ‘mahāsamudde pañcayojanasatikāpi macchā atthī’’’ti? ‘‘Āma, bhante, suta’’nti. ‘‘Nanu mahārāja, pañcayojanasatikassa macchassa aṭṭhikāni dīghāni bhavissanti yojanasatikānipī’’ti?
‘‘কল্লোসি , ভন্তে নাগসেনা’’তি।
‘‘Kallosi , bhante nāgasenā’’ti.
দীঘট্ঠিপঞ্হো দসমো।
Dīghaṭṭhipañho dasamo.
