| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
১১. অস্সাসপস্সাসনিরোধপঞ্হো
11. Assāsapassāsanirodhapañho
১১. রাজা আহ ‘‘ভন্তে নাগসেন, তুম্হে এৰং ভণথ ‘সক্কা অস্সাসপস্সাসে নিরোধেতু’’’ন্তি? ‘‘আম, মহারাজ, সক্কা অস্সাসপস্সাসে নিরোধেতু’’ন্তি। ‘‘কথং, ভন্তে নাগসেন, সক্কা অস্সাসপস্সাসে নিরোধেতু’’ন্তি। ‘‘তং কিং মঞ্ঞসি, মহারাজ, সুতপুব্বো তে কোচি কাকচ্ছমানো’’তি। ‘‘আম, ভন্তে, সুতপুব্বো’’তি। ‘‘কিং নু খো, মহারাজ, সো সদ্দো কাযে নমিতে ৰিরমেয্যা’’তি। ‘‘আম, ভন্তে, ৰিরমেয্যা’’তি। ‘‘সো হি নাম, মহারাজ, সদ্দো অভাৰিতকাযস্স অভাৰিতসীলস্স অভাৰিতচিত্তস্স অভাৰিতপঞ্ঞস্স কাযে নমিতে ৰিরমিস্সতি, কিং পন ভাৰিতকাযস্স ভাৰিতসীলস্স ভাৰিতচিত্তস্স ভাৰিতপঞ্ঞস্স চতুত্থজ্ঝানং সমাপন্নস্স অস্সাসপস্সাসা ন নিরুজ্ঝিস্সন্তী’’তি।
11. Rājā āha ‘‘bhante nāgasena, tumhe evaṃ bhaṇatha ‘sakkā assāsapassāse nirodhetu’’’nti? ‘‘Āma, mahārāja, sakkā assāsapassāse nirodhetu’’nti. ‘‘Kathaṃ, bhante nāgasena, sakkā assāsapassāse nirodhetu’’nti. ‘‘Taṃ kiṃ maññasi, mahārāja, sutapubbo te koci kākacchamāno’’ti. ‘‘Āma, bhante, sutapubbo’’ti. ‘‘Kiṃ nu kho, mahārāja, so saddo kāye namite virameyyā’’ti. ‘‘Āma, bhante, virameyyā’’ti. ‘‘So hi nāma, mahārāja, saddo abhāvitakāyassa abhāvitasīlassa abhāvitacittassa abhāvitapaññassa kāye namite viramissati, kiṃ pana bhāvitakāyassa bhāvitasīlassa bhāvitacittassa bhāvitapaññassa catutthajjhānaṃ samāpannassa assāsapassāsā na nirujjhissantī’’ti.
‘‘কল্লোসি, ভন্তে নাগসেনা’’তি।
‘‘Kallosi, bhante nāgasenā’’ti.
অস্সাসপস্সাসনিরোধপঞ্হো একাদসমো।
Assāsapassāsanirodhapañho ekādasamo.
