| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៦. ធូបទាយកត្ថេរអបទានំ
6. Dhūpadāyakattheraapadānaṃ
១៦១.
161.
‘‘សិទ្ធត្ថស្ស ភគវតោ, លោកជេដ្ឋស្ស តាទិនោ;
‘‘Siddhatthassa bhagavato, lokajeṭṭhassa tādino;
កុដិធូបំ មយា ទិន្នំ, វិប្បសន្នេន ចេតសា។
Kuṭidhūpaṃ mayā dinnaṃ, vippasannena cetasā.
១៦២.
162.
យំ យំ យោនុបបជ្ជាមិ, ទេវត្តំ អថ មានុសំ;
Yaṃ yaṃ yonupapajjāmi, devattaṃ atha mānusaṃ;
សព្ពេសម្បិ បិយោ ហោមិ, ធូបទានស្សិទំ ផលំ។
Sabbesampi piyo homi, dhūpadānassidaṃ phalaṃ.
១៦៣.
163.
ទុគ្គតិំ នាភិជានាមិ, ធូបទានស្សិទំ ផលំ។
Duggatiṃ nābhijānāmi, dhūpadānassidaṃ phalaṃ.
១៦៤.
164.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា ធូបទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā dhūpadāyako thero imā gāthāyo abhāsitthāti.
ធូបទាយកត្ថេរស្សាបទានំ ឆដ្ឋំ។
Dhūpadāyakattherassāpadānaṃ chaṭṭhaṃ.
Footnotes:
