| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
२. धातुसुत्तं
2. Dhātusuttaṃ
५१. वुत्तञ्हेतं भगवता, वुत्तमरहताति मे सुतं –
51. Vuttañhetaṃ bhagavatā, vuttamarahatāti me sutaṃ –
‘‘तिस्सो इमा, भिक्खवे, धातुयो। कतमा तिस्सो? रूपधातु, अरूपधातु, निरोधधातु – इमा खो, भिक्खवे, तिस्सो धातुयो’’ति। एतमत्थं भगवा अवोच। तत्थेतं इति वुच्चति –
‘‘Tisso imā, bhikkhave, dhātuyo. Katamā tisso? Rūpadhātu, arūpadhātu, nirodhadhātu – imā kho, bhikkhave, tisso dhātuyo’’ti. Etamatthaṃ bhagavā avoca. Tatthetaṃ iti vuccati –
निरोधे ये विमुच्चन्ति, ते जना मच्चुहायिनो॥
Nirodhe ye vimuccanti, te janā maccuhāyino.
उपधिप्पटिनिस्सग्गं, सच्छिकत्वा अनासवो।
Upadhippaṭinissaggaṃ, sacchikatvā anāsavo;
देसेति सम्मासम्बुद्धो, असोकं विरजं पद’’न्ति॥
Deseti sammāsambuddho, asokaṃ virajaṃ pada’’nti.
अयम्पि अत्थो वुत्तो भगवता, इति मे सुतन्ति॥ दुतियं।
Ayampi attho vutto bhagavatā, iti me sutanti. dutiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / २. धातुसुत्तवण्णना • 2. Dhātusuttavaṇṇanā
