| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਧਾਤੁਸਂਯੁਤ੍ਤਂ
3. Dhātusaṃyuttaṃ
੧. ਨਾਨਤ੍ਤવਗ੍ਗੋ
1. Nānattavaggo
੧. ਧਾਤੁਨਾਨਤ੍ਤਸੁਤ੍ਤવਣ੍ਣਨਾ
1. Dhātunānattasuttavaṇṇanā
੮੫. ਪਠਮਨ੍ਤਿ ਇਮਸ੍ਮਿਂ ਨਿਦਾਨવਗ੍ਗੇ ਸਂਯੁਤ੍ਤਾਨਂ ਪਠਮਂ ਸਂਗੀਤਤ੍ਤਾ। ਨਿਸ੍ਸਤ੍ਤਟ੍ਠਸੁਞ੍ਞਤਟ੍ਠਸਙ੍ਖਾਤੇਨਾਤਿ ਧਮ੍ਮਮਤ੍ਤਤਾਯ ਨਿਸ੍ਸਤ੍ਤਤਾਸਙ੍ਖਾਤੇਨ ਨਿਚ੍ਚਸੁਭਸੁਖਅਤ੍ਤਸੁਞ੍ਞਤਤ੍ਥਸਙ੍ਖਾਤੇਨ। ਸਭਾવਟ੍ਠੇਨਾਤਿ ਯਥਾਭੂਤਸਭਾવਟ੍ਠੇਨ। ਤਤੋ ਏવ ਸਭਾવਸ੍ਸ ਧਾਰਣਟ੍ਠੇਨ ਧਾਤੂਤਿ ਲਦ੍ਧਨਾਮਾਨਂ। ਨਾਨਾਸਭਾવੋ ਅਞ੍ਞਮਞ੍ਞવਿਸਦਿਸਤਾ ਧਾਤੁਨਾਨਤ੍ਤਂ। ਚਕ੍ਖੁਸਙ੍ਖਾਤੋ ਪਸਾਦੋ ਚਕ੍ਖੁਪਸਾਦੋ। ਸੋ ਏવ ਚਕ੍ਖਨਟ੍ਠੇਨ ਚਕ੍ਖੁ, ਨਿਸ੍ਸਤ੍ਤਸੁਞ੍ਞਤਟ੍ਠੇਨ ਧਾਤੁ ਚਾਤਿ ਚਕ੍ਖੁਧਾਤੁ। ਚਕ੍ਖੁਪਸਾਦવਤ੍ਥੁਂ ਅਧਿਟ੍ਠਾਨਂ ਕਤ੍વਾ ਪવਤ੍ਤਂ ਚਕ੍ਖੁਪਸਾਦવਤ੍ਥੁਕਂ। ਸੇਸਪਦੇਸੁਪਿ ਏਸੇવ ਨਯੋ। ਦ੍વੇ ਸਮ੍ਪਟਿਚ੍ਛਨਮਨੋਧਾਤੁਯੋ, ਏਕਾ ਕਿਰਿਯਾ ਮਨੋਧਾਤੂਤਿ ਤਿਸ੍ਸੋ ਮਨੋਧਾਤੁਯੋ ਮਨੋਧਾਤੁ ‘‘ਮਨਨਮਤ੍ਤਾ ਧਾਤੂ’’ਤਿ ਕਤ੍વਾ। વੇਦਨਾਦਯੋ…ਪੇ॰… ਨਿਬ੍ਬਾਨਞ੍ਚ ਧਮ੍ਮਧਾਤੁ વਿਸੇਸਸਞ੍ਞਾਪਰਿਹਾਰੇਨ ਸਾਮਞ੍ਞਸਞ੍ਞਾਯ ਪવਤ੍ਤਨਤੋ। ਤਥਾ ਹੇਤੇ ਧਮ੍ਮਾ ਆਯਤਨਦੇਸਨਾਯ ‘‘ਧਮ੍ਮਾਯਤਨ’’ਨ੍ਤੇવ ਦੇਸਿਤਾ। ਨ ਹਿ ਨੇਸਂ ਰੂਪਾਯਤਨਾਦੀਨਂ વਿਯ વਿਞ੍ਞਾਣੇਹਿ ਅਞ੍ਞવਿਞ੍ਞਾਣੇਨ ਗਹੇਤਬ੍ਬਤਾਕਾਰੋ ਅਤ੍ਥਿ। ਸਬ੍ਬਮ੍ਪੀਤਿ ਛਸਤ੍ਤਤਿવਿਧਂ ਮਨੋવਿਞ੍ਞਾਣਂ। ਕਾਮਾવਚਰਾ ਕਾਮਧਾਤੁਪਰਿਯਾਪਨ੍ਨਤ੍ਤਾ। ਅવਸਾਨੇ ਦ੍વੇਤਿ ਧਮ੍ਮਧਾਤੁਮਨੋવਿਞ੍ਞਾਣਧਾਤੁਯੋ। ਅਯਮੇਤ੍ਥ ਸਙ੍ਖੇਪੋ, વਿਤ੍ਥਾਰੋ ਪਨ વਿਸੁਦ੍ਧਿਮਗ੍ਗੇ ਤਂਸਂવਣ੍ਣਨਾਸੁ ਦਟ੍ਠਬ੍ਬੋ।
85.Paṭhamanti imasmiṃ nidānavagge saṃyuttānaṃ paṭhamaṃ saṃgītattā. Nissattaṭṭhasuññataṭṭhasaṅkhātenāti dhammamattatāya nissattatāsaṅkhātena niccasubhasukhaattasuññatatthasaṅkhātena. Sabhāvaṭṭhenāti yathābhūtasabhāvaṭṭhena. Tato eva sabhāvassa dhāraṇaṭṭhena dhātūti laddhanāmānaṃ. Nānāsabhāvo aññamaññavisadisatā dhātunānattaṃ. Cakkhusaṅkhāto pasādo cakkhupasādo. So eva cakkhanaṭṭhena cakkhu, nissattasuññataṭṭhena dhātu cāti cakkhudhātu. Cakkhupasādavatthuṃ adhiṭṭhānaṃ katvā pavattaṃ cakkhupasādavatthukaṃ. Sesapadesupi eseva nayo. Dve sampaṭicchanamanodhātuyo, ekā kiriyā manodhātūti tisso manodhātuyo manodhātu ‘‘mananamattā dhātū’’ti katvā. Vedanādayo…pe… nibbānañca dhammadhātu visesasaññāparihārena sāmaññasaññāya pavattanato. Tathā hete dhammā āyatanadesanāya ‘‘dhammāyatana’’nteva desitā. Na hi nesaṃ rūpāyatanādīnaṃ viya viññāṇehi aññaviññāṇena gahetabbatākāro atthi. Sabbampīti chasattatividhaṃ manoviññāṇaṃ. Kāmāvacarā kāmadhātupariyāpannattā. Avasāne dveti dhammadhātumanoviññāṇadhātuyo. Ayamettha saṅkhepo, vitthāro pana visuddhimagge taṃsaṃvaṇṇanāsu daṭṭhabbo.
ਧਾਤੁਨਾਨਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dhātunānattasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਧਾਤੁਨਾਨਤ੍ਤਸੁਤ੍ਤਂ • 1. Dhātunānattasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧.ਧਾਤੁਨਾਨਤ੍ਤਸੁਤ੍ਤવਣ੍ਣਨਾ • 1. Dhātunānattasuttavaṇṇanā
