| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਫਸ੍ਸਨਾਨਤ੍ਤਸੁਤ੍ਤવਣ੍ਣਨਾ
2. Phassanānattasuttavaṇṇanā
੮੬. ਜਾਤਿਪਸੁਤਿਆਰਮ੍ਮਣਾਦਿਭੇਦੇਨ ਨਾਨਾਭਾવੋ ਫਸ੍ਸੋ। ਜਾਤਿਪਚ੍ਚਯਭੇਦੇਨ ਹਿ ਪਚ੍ਚਯੁਪ੍ਪਨ੍ਨਸ੍ਸ ਭੇਦੋ ਹੋਤਿਯੇવ। ਧਮ੍ਮਪਰਿਚ੍ਛੇਦવਸੇਨ ਧਾਤੁਦੇਸਨਾਯਂ ਤਿਸ੍ਸੋ ਮਨਨਮਤ੍ਤਾ ਧਾਤੁਯੋવ ਮਨੋਧਾਤੁਯੋ। ਕਿਰਿਯਾਮਯਸ੍ਸ ਚਿਤ੍ਤੁਪ੍ਪਤ੍ਤਿવਿਭਾਗੇਨ ਪਚ੍ਚਯੁਪ੍ਪਨ੍ਨਸ੍ਸ વਸੇਨ ਧਾਤੁਦੇਸਨਾਯਂ ਮਨਨਟ੍ਠੇਨ ਧਾਤੁਤਾਯ ਸਾਮਞ੍ਞਤੋ ਮਨੋਦ੍વਾਰਾવਜ੍ਜਨਂ ‘‘ਮਨੋਧਾਤੂ’’ਤਿ ਅਧਿਪ੍ਪੇਤਨ੍ਤਿ વੁਤ੍ਤਂ ‘‘ਮਨੋਸਮ੍ਫਸ੍ਸੋ ਮਨੋਦ੍વਾਰੇ ਪਠਮਜવਨਸਮ੍ਪਯੁਤ੍ਤੋ’’ਤਿਆਦਿ। ਤਸ੍ਮਾਤਿ ਯਸ੍ਮਾ ਕਾਮਂ ਸਮ੍ਪਟਿਚ੍ਛਨਮਨੋਧਾਤੁਅਨਨ੍ਤਰਂ ਉਪ੍ਪਜ੍ਜਮਾਨੋ ਸਨ੍ਤੀਰਣવਿਞ੍ਞਾਣਧਾਤੁਯਾ ਸਮ੍ਪਯੁਤ੍ਤੋ ਫਸ੍ਸੋਪਿ ਮਨੋਸਮ੍ਫਸ੍ਸੋ ਏવ ਨਾਮ, ਦੁਬ੍ਬਲਤ੍ਤਾ ਪਨ ਸੋ ਸਬ੍ਬਭવੇਸੁ ਅਸਮ੍ਭવਤੋ ਚ ਗਹਿਤੋ ਅਨવਸੇਸਤੋ ਗਹਣਂ ਨ ਹੋਤੀਤਿ ਮਨੋਦ੍વਾਰੇ ਜવਨਸਮ੍ਫਸ੍ਸੋ ਹੋਤਿ, ਤਸ੍ਮਾ। ਅਯਮੇਤ੍ਥ ਅਤ੍ਥੋਤਿ ਅਯਂ ਇਧ ਅਧਿਪ੍ਪਾਯਾਨੁਗਤੋ ਅਤ੍ਥੋ।
86. Jātipasutiārammaṇādibhedena nānābhāvo phasso. Jātipaccayabhedena hi paccayuppannassa bhedo hotiyeva. Dhammaparicchedavasena dhātudesanāyaṃ tisso mananamattā dhātuyova manodhātuyo. Kiriyāmayassa cittuppattivibhāgena paccayuppannassa vasena dhātudesanāyaṃ mananaṭṭhena dhātutāya sāmaññato manodvārāvajjanaṃ ‘‘manodhātū’’ti adhippetanti vuttaṃ ‘‘manosamphasso manodvāre paṭhamajavanasampayutto’’tiādi. Tasmāti yasmā kāmaṃ sampaṭicchanamanodhātuanantaraṃ uppajjamāno santīraṇaviññāṇadhātuyā sampayutto phassopi manosamphasso eva nāma, dubbalattā pana so sabbabhavesu asambhavato ca gahito anavasesato gahaṇaṃ na hotīti manodvāre javanasamphasso hoti, tasmā. Ayamettha atthoti ayaṃ idha adhippāyānugato attho.
ਫਸ੍ਸਨਾਨਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Phassanānattasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਫਸ੍ਸਨਾਨਤ੍ਤਸੁਤ੍ਤਂ • 2. Phassanānattasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਫਸ੍ਸਨਾਨਤ੍ਤਸੁਤ੍ਤવਣ੍ਣਨਾ • 2. Phassanānattasuttavaṇṇanā
