| Library / Tipiṭaka / తిపిటక • Tipiṭaka / చూళవగ్గ-అట్ఠకథా • Cūḷavagga-aṭṭhakathā |
ధమ్మికాధమ్మికపాతిమోక్ఖట్ఠపనకథా
Dhammikādhammikapātimokkhaṭṭhapanakathā
౩౮౭. అమూలికాయ సీలవిపత్తియా పాతిమోక్ఖం ఠపేతి అకతాయాతి తేన పుగ్గలేన సా విపత్తి కతా వా హోతు అకతా వా, పాతిమోక్ఖట్ఠపనకస్స సఞ్ఞాఅమూలికవసేన అమూలికా హోతి. కతాకతాయాతి కతఞ్చ అకతఞ్చ ఉభయం గహేత్వా వుత్తం.
387.Amūlikāyasīlavipattiyā pātimokkhaṃ ṭhapeti akatāyāti tena puggalena sā vipatti katā vā hotu akatā vā, pātimokkhaṭṭhapanakassa saññāamūlikavasena amūlikā hoti. Katākatāyāti katañca akatañca ubhayaṃ gahetvā vuttaṃ.
ధమ్మికం సామగ్గిం న ఉపేతీతి కమ్మం కోపేతుకామతాయ సఙ్ఘస్స కమ్మే కరీయమానే నేవ ఆగచ్ఛతి, న ఛన్దం దేతి, సమ్ముఖీభూతోవ పటిక్కోసతి, తేన దుక్కటం ఆపజ్జతి. ఇచ్చస్సాపి సాపత్తికస్సేవ పాతిమోక్ఖం ఠపితం హోతి. పచ్చాదియతీతి ‘‘పున కాతబ్బం కమ్మ’’న్తి పచ్చాదియతి, తేన ఉక్కోటనకేన పాచిత్తియం ఆపజ్జతి. ఇచ్చస్సాపి సాపత్తికస్సేవ పాతిమోక్ఖం ఠపితం హోతి.
Dhammikaṃ sāmaggiṃ na upetīti kammaṃ kopetukāmatāya saṅghassa kamme karīyamāne neva āgacchati, na chandaṃ deti, sammukhībhūtova paṭikkosati, tena dukkaṭaṃ āpajjati. Iccassāpi sāpattikasseva pātimokkhaṃ ṭhapitaṃ hoti. Paccādiyatīti ‘‘puna kātabbaṃ kamma’’nti paccādiyati, tena ukkoṭanakena pācittiyaṃ āpajjati. Iccassāpi sāpattikasseva pātimokkhaṃ ṭhapitaṃ hoti.
ధమ్మికాధమ్మికపాతిమోక్ఖట్ఠపనకథా నిట్ఠితా.
Dhammikādhammikapātimokkhaṭṭhapanakathā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / చూళవగ్గపాళి • Cūḷavaggapāḷi / ౫. ధమ్మికాధమ్మికపాతిమోక్ఖట్ఠపనం • 5. Dhammikādhammikapātimokkhaṭṭhapanaṃ
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ధమ్మికాధమ్మికపాతిమోక్ఖట్ఠపనకథావణ్ణనా • Dhammikādhammikapātimokkhaṭṭhapanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / పాతిమోక్ఖసవనారహకథాదివణ్ణనా • Pātimokkhasavanārahakathādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౫. ధమ్మికాధమ్మికపాతిమోక్ఖట్ఠపనకథా • 5. Dhammikādhammikapātimokkhaṭṭhapanakathā
