| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
(9) 4. த⁴ம்மவக்³க³வண்ணனா
(9) 4. Dhammavaggavaṇṇanā
88. சதுத்த²ஸ்ஸ பட²மே சேதோவிமுத்தீதி ப²லஸமாதி⁴. பஞ்ஞாவிமுத்தீதி ப²லபஞ்ஞா.
88. Catutthassa paṭhame cetovimuttīti phalasamādhi. Paññāvimuttīti phalapaññā.
89. து³தியே பக்³கா³ஹோதி வீரியங். அவிக்கே²போதி சித்தேகக்³க³தா.
89. Dutiye paggāhoti vīriyaṃ. Avikkhepoti cittekaggatā.
90. ததியே நாமந்தி சத்தாரோ அரூபக்க²ந்தா⁴. ரூபந்தி ரூபக்க²ந்தோ⁴. இதி இமஸ்மிங் ஸுத்தே த⁴ம்மகொட்டா²ஸபரிச்சே²த³ஞாணங் நாம கதி²தங்.
90. Tatiye nāmanti cattāro arūpakkhandhā. Rūpanti rūpakkhandho. Iti imasmiṃ sutte dhammakoṭṭhāsaparicchedañāṇaṃ nāma kathitaṃ.
91. சதுத்தே² விஜ்ஜாதி ப²லஞாணங். விமுத்தீதி தங்ஸம்பயுத்தா ஸேஸத⁴ம்மா.
91. Catutthe vijjāti phalañāṇaṃ. Vimuttīti taṃsampayuttā sesadhammā.
92. பஞ்சமே ப⁴வதி³ட்டீ²தி ஸஸ்ஸததி³ட்டி². விப⁴வதி³ட்டீ²தி உச்சே²த³தி³ட்டி². ச²ட்ட²ஸத்தமானி உத்தானத்தா²னேவ.
92. Pañcame bhavadiṭṭhīti sassatadiṭṭhi. Vibhavadiṭṭhīti ucchedadiṭṭhi. Chaṭṭhasattamāni uttānatthāneva.
95. அட்ட²மே தோ³வசஸ்ஸதாதி து³ப்³ப³சபா⁴வோ. பாபமித்ததாதி பாபமித்தஸேவனபா⁴வோ. நவமங் வுத்தவிபரியாயேன வேதி³தப்³ப³ங்.
95. Aṭṭhame dovacassatāti dubbacabhāvo. Pāpamittatāti pāpamittasevanabhāvo. Navamaṃ vuttavipariyāyena veditabbaṃ.
97. த³ஸமே தா⁴துகுஸலதாதி அட்டா²ரஸ தா⁴துயோ தா⁴தூதி ஜானநங். மனஸிகாரகுஸலதாதி தாஸங்யேவ தா⁴தூனங் அனிச்சாதி³வஸேன லக்க²ணத்தயங் ஆரோபெத்வா ஜானநங்.
97. Dasame dhātukusalatāti aṭṭhārasa dhātuyo dhātūti jānanaṃ. Manasikārakusalatāti tāsaṃyeva dhātūnaṃ aniccādivasena lakkhaṇattayaṃ āropetvā jānanaṃ.
98. ஏகாத³ஸமே ஆபத்திகுஸலதாதி பஞ்சன்னஞ்ச ஸத்தன்னஞ்ச ஆபத்திக்க²ந்தா⁴னங் ஜானநங். ஆபத்திவுட்டா²னகுஸலதாதி தே³ஸனாய வா கம்மவாசாய வா ஆபத்தீஹி வுட்டா²னஜானநந்தி.
98. Ekādasame āpattikusalatāti pañcannañca sattannañca āpattikkhandhānaṃ jānanaṃ. Āpattivuṭṭhānakusalatāti desanāya vā kammavācāya vā āpattīhi vuṭṭhānajānananti.
த⁴ம்மவக்³கோ³ சதுத்தோ².
Dhammavaggo catuttho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / (9) 4. த⁴ம்மவக்³கோ³ • (9) 4. Dhammavaggo
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / (9) 4. த⁴ம்மவக்³க³வண்ணனா • (9) 4. Dhammavaggavaṇṇanā
