| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៩. ធម្មបទសុត្តវណ្ណនា
9. Dhammapadasuttavaṇṇanā
២៩. នវមេ ធម្មបទានីតិ ធម្មកោដ្ឋាសា។ អនភិជ្ឈាតិអាទីសុ អភិជ្ឈាបដិក្ខេបេន អនភិជ្ឈា, ព្យាបាទបដិក្ខេបេន អព្យាបាទោ, មិច្ឆាសតិបដិក្ខេបេន សម្មាសតិ, មិច្ឆាសមាធិបដិក្ខេបេន សម្មាសមាធិ វេទិតព្ពោ។
29. Navame dhammapadānīti dhammakoṭṭhāsā. Anabhijjhātiādīsu abhijjhāpaṭikkhepena anabhijjhā, byāpādapaṭikkhepena abyāpādo, micchāsatipaṭikkhepena sammāsati, micchāsamādhipaṭikkhepena sammāsamādhi veditabbo.
អនភិជ្ឈាលូតិ និត្តណ្ហោ ហុត្វា។ អព្យាបន្នេន ចេតសាតិ សព្ពកាលំ បកតិភាវំ អវិជហន្តេន ចិត្តេន។ សតោ ឯកគ្គចិត្តស្សាតិ សតិយា សមន្នាគតោ អារម្មណេ ឯកគ្គចិត្តោ អស្ស។ អជ្ឈត្តំ សុសមាហិតោតិ និយកជ្ឈត្តេ សុដ្ឋុ ឋបិតចិត្តោ ឥមស្មិំ សុត្តេបិ គាថាយបិ វដ្ដវិវដ្ដំ កថិតំ។
Anabhijjhālūti nittaṇho hutvā. Abyāpannena cetasāti sabbakālaṃ pakatibhāvaṃ avijahantena cittena. Sato ekaggacittassāti satiyā samannāgato ārammaṇe ekaggacitto assa. Ajjhattaṃ susamāhitoti niyakajjhatte suṭṭhu ṭhapitacitto imasmiṃ suttepi gāthāyapi vaṭṭavivaṭṭaṃ kathitaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៩. ធម្មបទសុត្តំ • 9. Dhammapadasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៩. ធម្មបទសុត្តវណ្ណនា • 9. Dhammapadasuttavaṇṇanā
