| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
૭. ધમ્મદેસનાસિક્ખાપદવણ્ણના
7. Dhammadesanāsikkhāpadavaṇṇanā
૬૬. ‘‘વિઞ્ઞૂ પટિબલા’’તિ વચનતો અવિઞ્ઞૂ ઇત્થિયાપિ દેસેન્તસ્સ અનાપત્તિ. ઇધ યક્ખીઆદયો મનુસ્સિત્થી વિય અનોળારિકત્તા દુક્કટવત્થુકા જાતા. તિરચ્છાનગતમનુસ્સવિગ્ગહિત્થિયા પટિબલતાય વુત્તત્તા ઇતરાપિ દુક્કટવત્થુયેવાતિ એકે. ‘‘માતુગામાયા’’તિ લિઙ્ગવિપલ્લાસેન વુત્તં. ‘‘અટ્ઠકથાદિપાઠં ઠપેત્વા દમિળાદિના યથારુચિ કથેતું લભતિ કિરા’’તિ લિખિતં, યથા યક્ખીઆદયો દુક્કટવત્થુકા જાતા, તથા પુરિસવિગ્ગહં ગહેત્વા ઠિતેન યક્ખાદિના સદ્ધિં ઠિતસ્સ માતુગામસ્સ ધમ્મં દેસેન્તો દુક્કટં અનાપજ્જિત્વા કસ્મા પાચિત્તિયમાપજ્જતીતિ ચે? ઈસકમ્પિ દુતિયપક્ખં અભજનતો. મનુસ્સમાતુગામોપિ ન દુતિયો, પગેવ યક્ખાદયોતિ. ન દુતિયાનિયતે તસ્સ દુતિયત્તાતિ ચે? ન તત્થ દુટ્ઠુલ્લવાચાપેક્ખા દુતિયતા, કિન્તુ નિસજ્જાપેક્ખા, ઇધ ચ ન નિસજ્જમત્તં, કિન્તુ દેસના ઇધાધિપ્પેતા. સા ચ નિપજ્જનતો ઓળારિકા, તસ્મા અસમત્થનિદસ્સનં.
66. ‘‘Viññū paṭibalā’’ti vacanato aviññū itthiyāpi desentassa anāpatti. Idha yakkhīādayo manussitthī viya anoḷārikattā dukkaṭavatthukā jātā. Tiracchānagatamanussaviggahitthiyā paṭibalatāya vuttattā itarāpi dukkaṭavatthuyevāti eke. ‘‘Mātugāmāyā’’ti liṅgavipallāsena vuttaṃ. ‘‘Aṭṭhakathādipāṭhaṃ ṭhapetvā damiḷādinā yathāruci kathetuṃ labhati kirā’’ti likhitaṃ, yathā yakkhīādayo dukkaṭavatthukā jātā, tathā purisaviggahaṃ gahetvā ṭhitena yakkhādinā saddhiṃ ṭhitassa mātugāmassa dhammaṃ desento dukkaṭaṃ anāpajjitvā kasmā pācittiyamāpajjatīti ce? Īsakampi dutiyapakkhaṃ abhajanato. Manussamātugāmopi na dutiyo, pageva yakkhādayoti. Na dutiyāniyate tassa dutiyattāti ce? Na tattha duṭṭhullavācāpekkhā dutiyatā, kintu nisajjāpekkhā, idha ca na nisajjamattaṃ, kintu desanā idhādhippetā. Sā ca nipajjanato oḷārikā, tasmā asamatthanidassanaṃ.
ધમ્મદેસનાસિક્ખાપદવણ્ણના નિટ્ઠિતા.
Dhammadesanāsikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૧. મુસાવાદવગ્ગો • 1. Musāvādavaggo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૭. ધમ્મદેસનાસિક્ખાપદવણ્ણના • 7. Dhammadesanāsikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૭. ધમ્મદેસનાસિક્ખાપદવણ્ણના • 7. Dhammadesanāsikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૭. ધમ્મદેસનાસિક્ખાપદં • 7. Dhammadesanāsikkhāpadaṃ
