| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
2. д̣̇зсанааг̇ааминияаад̣̇иаабад̇д̇и
2. Desanāgāminiyādiāpatti
475.
475.
гад̇и д̣̇зсанааг̇ааминияо, гад̇и саббадигаммаа гад̇аа;
Kati desanāgāminiyo, kati sappaṭikammā katā;
гад̇зд̇т̇а аббадигаммаа вуд̇д̇аа, б̣уд̣̇д̇хзнаад̣̇ижжаб̣анд̇хунаа.
Katettha appaṭikammā vuttā, buddhenādiccabandhunā.
бан̃жа д̣̇зсанааг̇ааминияо, ча саббадигаммаа гад̇аа;
Pañca desanāgāminiyo, cha sappaṭikammā katā;
згзд̇т̇а аббадигаммаа вуд̇д̇аа, б̣уд̣̇д̇хзнаад̣̇ижжаб̣анд̇хунаа.
Ekettha appaṭikammā vuttā, buddhenādiccabandhunā.
винаяаг̇аругаа гад̇и вуд̇д̇аа, гааяаваажасигаани жа;
Vinayagarukā kati vuttā, kāyavācasikāni ca;
гад̇и вигаалз д̇хан̃н̃арасо, гад̇и н̃ад̇д̇ижад̇уд̇т̇зна саммуд̇и.
Kati vikāle dhaññaraso, kati ñatticatutthena sammuti.
винаяаг̇аругаа д̣̇вз вуд̇д̇аа, гааяаваажасигаани жа;
Vinayagarukā dve vuttā, kāyavācasikāni ca;
зго вигаалз д̇хан̃н̃арасо, згаа н̃ад̇д̇ижад̇уд̇т̇зна саммуд̇и.
Eko vikāle dhaññaraso, ekā ñatticatutthena sammuti.
баарааж̇игаа гааяигаа гад̇и, гад̇и сам̣ваасагабхуумияо;
Pārājikā kāyikā kati, kati saṃvāsakabhūmiyo;
гад̇инам̣ рад̇д̇ижчзд̣̇о, бан̃н̃ад̇д̇аа д̣̇ван̇г̇улаа гад̇и.
Katinaṃ ratticchedo, paññattā dvaṅgulā kati.
баарааж̇игаа гааяигаа д̣̇вз, д̣̇вз сам̣ваасагабхуумияо;
Pārājikā kāyikā dve, dve saṃvāsakabhūmiyo;
д̣̇виннам̣ рад̇д̇ижчзд̣̇о, бан̃н̃ад̇д̇аа д̣̇ван̇г̇улаа д̣̇увз.
Dvinnaṃ ratticchedo, paññattā dvaṅgulā duve.
гад̇ад̇д̇аанам̣ вад̇хид̇ваана, гад̇ихи сан̇гхо бхиж̇ж̇ад̇и;
Katattānaṃ vadhitvāna, katihi saṅgho bhijjati;
гад̇зд̇т̇а батамаабад̇д̇игаа, н̃ад̇д̇ияаа гаран̣аа гад̇и.
Katettha paṭhamāpattikā, ñattiyā karaṇā kati.
д̣̇вз ад̇д̇аанам̣ вад̇хид̇ваана, д̣̇вийхи сан̇гхо бхиж̇ж̇ад̇и;
Dve attānaṃ vadhitvāna, dvīhi saṅgho bhijjati;
д̣̇взд̇т̇а батамаабад̇д̇игаа, н̃ад̇д̇ияаа гаран̣аа д̣̇увз.
Dvettha paṭhamāpattikā, ñattiyā karaṇā duve.
баан̣аад̇ибаад̇з гад̇и аабад̇д̇ияо, ваажаа баарааж̇игаа гад̇и;
Pāṇātipāte kati āpattiyo, vācā pārājikā kati;
обхаасанаа гад̇и вуд̇д̇аа, сан̃жарид̇д̇зна ваа гад̇и.
Obhāsanā kati vuttā, sañcarittena vā kati.
баан̣аад̇ибаад̇з д̇иссо аабад̇д̇ияо;
Pāṇātipāte tisso āpattiyo;
ваажаа баарааж̇игаа д̇аяо;
Vācā pārājikā tayo;
обхаасанаа д̇аяо вуд̇д̇аа;
Obhāsanā tayo vuttā;
сан̃жарид̇д̇зна ваа д̇аяо.
Sañcarittena vā tayo.
гад̇и буг̇г̇алаа на убасамбаад̣̇зд̇аб̣б̣аа, гад̇и гаммаанам̣ сан̇г̇ахаа;
Kati puggalā na upasampādetabbā, kati kammānaṃ saṅgahā;
наасид̇агаа гад̇и вуд̇д̇аа, гад̇инам̣ згаваажигаа.
Nāsitakā kati vuttā, katinaṃ ekavācikā.
д̇аяо буг̇г̇алаа на убасамбаад̣̇зд̇аб̣б̣аа, д̇аяо гаммаанам̣ сан̇г̇ахаа;
Tayo puggalā na upasampādetabbā, tayo kammānaṃ saṅgahā;
наасид̇агаа д̇аяо вуд̇д̇аа, д̇ин̣н̣аннам̣ згаваажигаа.
Nāsitakā tayo vuttā, tiṇṇannaṃ ekavācikā.
ад̣̇иннаад̣̇аанз гад̇и аабад̇д̇ияо, гад̇и мзт̇унабажжаяаа;
Adinnādāne kati āpattiyo, kati methunapaccayā;
чинд̣̇анд̇асса гад̇и аабад̇д̇ияо, гад̇и чад̣д̣ид̇абажжаяаа.
Chindantassa kati āpattiyo, kati chaḍḍitapaccayā.
ад̣̇иннаад̣̇аанз д̇иссо аабад̇д̇ияо, жад̇ассо мзт̇унабажжаяаа;
Adinnādāne tisso āpattiyo, catasso methunapaccayā;
чинд̣̇анд̇асса д̇иссо аабад̇д̇ияо, бан̃жа чад̣д̣ид̇абажжаяаа.
Chindantassa tisso āpattiyo, pañca chaḍḍitapaccayā.
бхигкуноваад̣̇агаваг̇г̇асмим̣ , баажид̇д̇иязна д̣̇уггадаа;
Bhikkhunovādakavaggasmiṃ , pācittiyena dukkaṭā;
гад̇зд̇т̇а навагаа вуд̇д̇аа, гад̇инам̣ жийварзна жа.
Katettha navakā vuttā, katinaṃ cīvarena ca.
бхигкуноваад̣̇агаваг̇г̇асмим̣ , баажид̇д̇иязна д̣̇уггадаа гад̇аа;
Bhikkhunovādakavaggasmiṃ , pācittiyena dukkaṭā katā;
жад̇урзд̇т̇а навагаа вуд̇д̇аа, д̣̇виннам̣ жийварзна жа.
Caturettha navakā vuttā, dvinnaṃ cīvarena ca.
бхигкунийнан̃жа агкаад̇аа, баадид̣̇зсанияаа гад̇и;
Bhikkhunīnañca akkhātā, pāṭidesaniyā kati;
бхун̃ж̇анд̇аамагад̇хан̃н̃зна, баажид̇д̇иязна д̣̇уггадаа гад̇и.
Bhuñjantāmakadhaññena, pācittiyena dukkaṭā kati.
бхигкунийнан̃жа агкаад̇аа, адта баадид̣̇зсанийяаа гад̇аа;
Bhikkhunīnañca akkhātā, aṭṭha pāṭidesanīyā katā;
бхун̃ж̇анд̇аамагад̇хан̃н̃зна, баажид̇д̇иязна д̣̇уггадаа гад̇аа.
Bhuñjantāmakadhaññena, pācittiyena dukkaṭā katā.
г̇ажчанд̇асса гад̇и аабад̇д̇ияо, тид̇асса жааби гид̇д̇агаа;
Gacchantassa kati āpattiyo, ṭhitassa cāpi kittakā;
нисиннасса гад̇и аабад̇д̇ияо, нибаннассааби гид̇д̇агаа.
Nisinnassa kati āpattiyo, nipannassāpi kittakā.
г̇ажчанд̇асса жад̇ассо аабад̇д̇ияо, тид̇асса жааби д̇ад̇д̇агаа;
Gacchantassa catasso āpattiyo, ṭhitassa cāpi tattakā;
нисиннасса жад̇ассо аабад̇д̇ияо, нибаннассааби д̇ад̇д̇агаа.
Nisinnassa catasso āpattiyo, nipannassāpi tattakā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / (2) д̣̇зсанааг̇ааминияаад̣̇иван̣н̣анаа • (2) Desanāgāminiyādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇зсанааг̇ааминияаад̣̇иван̣н̣анаа • Desanāgāminiyādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / гааяигаад̣̇иаабад̇д̇иван̣н̣анаа • Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / гааяигаад̣̇иаабад̇д̇иван̣н̣анаа • Kāyikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / (2) д̣̇зсанааг̇ааминияаад̣̇иван̣н̣анаа • (2) Desanāgāminiyādivaṇṇanā
