| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൧൦. ദസമനയോ വിപ്പയുത്തേനവിപ്പയുത്തപദവണ്ണനാ
10. Dasamanayo vippayuttenavippayuttapadavaṇṇanā
൩൫൩. യേ വിപ്പയുത്തേന വിപ്പയുത്തഭാവേന പാളിയം അഗ്ഗഹിതാ, തേസു കേചി വിപ്പയുത്തസ്സ ധമ്മന്തരസ്സ അഭാവതോ കേചി ഖന്ധാദീഹി വിപ്പയോഗസ്സേവ അസമ്ഭവതോതി ഇമമത്ഥം ദസ്സേന്തോ ‘‘ധമ്മായതനാദിധമ്മാ’’തിആദിമാഹ. തത്ഥ സബ്ബചിത്തുപ്പാദഗതധമ്മഭാവതോതി ഇമിനാ ഭിന്നകാലതാദിവിസേസവതോ അരൂപക്ഖന്ധസ്സ വിപ്പയുത്തസ്സ ധമ്മന്തരസ്സ അഭാവമാഹ, അനാരമ്മണമിസ്സകഭാവതോതി ഇമിനാ പന സബ്ബസ്സപി. കാമഭവോ ഉപപത്തിഭവോ സഞ്ഞീഭവോ പഞ്ചവോകാരഭവോതി ഇമേ ചത്താരോ മഹാഭവാ. വിപ്പയോഗാഭാവതോതി വിപ്പയോഗാസമ്ഭവതോ. ന ഹി യേ ദുക്ഖസച്ചാദീഹി വിപ്പയുത്താ, തേഹി വിപ്പയുത്താനം തേസംയേവ ദുക്ഖസച്ചാദീനം ഖന്ധാദീസു കേനചി വിപ്പയോഗോ സമ്ഭവതി.
353. Ye vippayuttena vippayuttabhāvena pāḷiyaṃ aggahitā, tesu keci vippayuttassa dhammantarassa abhāvato keci khandhādīhi vippayogasseva asambhavatoti imamatthaṃ dassento ‘‘dhammāyatanādidhammā’’tiādimāha. Tattha sabbacittuppādagatadhammabhāvatoti iminā bhinnakālatādivisesavato arūpakkhandhassa vippayuttassa dhammantarassa abhāvamāha, anārammaṇamissakabhāvatoti iminā pana sabbassapi. Kāmabhavo upapattibhavo saññībhavo pañcavokārabhavoti ime cattāro mahābhavā. Vippayogābhāvatoti vippayogāsambhavato. Na hi ye dukkhasaccādīhi vippayuttā, tehi vippayuttānaṃ tesaṃyeva dukkhasaccādīnaṃ khandhādīsu kenaci vippayogo sambhavati.
ദസമനയവിപ്പയുത്തേനവിപ്പയുത്തപദവണ്ണനാ നിട്ഠിതാ.
Dasamanayavippayuttenavippayuttapadavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധാതുകഥാപാളി • Dhātukathāpāḷi / ൧൦. വിപ്പയുത്തേനവിപ്പയുത്തപദനിദ്ദേസോ • 10. Vippayuttenavippayuttapadaniddeso
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൦. ദസമനയോ വിപ്പയുത്തേനവിപ്പയുത്തപദവണ്ണനാ • 10. Dasamanayo vippayuttenavippayuttapadavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൧൦. ദസമനയോ വിപ്പയുത്തേനവിപ്പയുത്തപദവണ്ണനാ • 10. Dasamanayo vippayuttenavippayuttapadavaṇṇanā
