| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೧೦. ದಸಕನಿದ್ದೇಸವಣ್ಣನಾ
10. Dasakaniddesavaṇṇanā
೨೦೯. ದಸಕನಿದ್ದೇಸೇ – ಇಧಾತಿ ಕಾಮಾವಚರಭೂಮಿಯಂ। ಕಾಮಾವಚರಭೂಮಿಯಞ್ಹಿ ಸತ್ತಕ್ಖತ್ತುಪರಮಾದೀನಂ ಕಾಮಾವಚರಭೂಮಿಯಞ್ಞೇವ ನಿಟ್ಠಾ ಹೋತಿ। ಕಾಮಾವಚರತ್ತಭಾವೇನೇವ ಅರಹತ್ತಪ್ಪತ್ತಿ ಚ ಅನುಪಾದಿಸೇಸನಿಬ್ಬಾನಪ್ಪತ್ತಿ ಚ ಹೋತೀತಿ ಅತ್ಥೋ।
209. Dasakaniddese – idhāti kāmāvacarabhūmiyaṃ. Kāmāvacarabhūmiyañhi sattakkhattuparamādīnaṃ kāmāvacarabhūmiyaññeva niṭṭhā hoti. Kāmāvacarattabhāveneva arahattappatti ca anupādisesanibbānappatti ca hotīti attho.
ಇಧ ವಿಹಾಯಾತಿ ಇಧ ಕಾಮಾವಚರೇ ಅತ್ತಭಾವೇ ವಿಹಾಯ ಸುದ್ಧಾವಾಸತ್ತಭಾವೇ ಠಿತಾನಂ ನಿಟ್ಠಾ ಹೋತೀತಿ ಅತ್ಥೋ। ಅನ್ತರಾಪರಿನಿಬ್ಬಾಯಿಆದಯೋ ಹಿ ಇಧ ಅನಾಗಾಮಿಫಲಂ ಪತ್ವಾ ಇತೋ ಚುತಾ ಸುದ್ಧಾವಾಸೇಸು ಉಪ್ಪಜ್ಜಿತ್ವಾ ತೇನ ಅತ್ತಭಾವೇನ ಅರಹತ್ತಞ್ಚೇವ ಅನುಪಾದಿಸೇಸನಿಬ್ಬಾನಧಾತುಞ್ಚ ಪಾಪುಣನ್ತಿ। ತೇನ ವುತ್ತಂ – ‘‘ಇಮೇಸಂ ಪಞ್ಚನ್ನಂ ಇಧ ವಿಹಾಯ ನಿಟ್ಠಾ’’ತಿ।
Idhavihāyāti idha kāmāvacare attabhāve vihāya suddhāvāsattabhāve ṭhitānaṃ niṭṭhā hotīti attho. Antarāparinibbāyiādayo hi idha anāgāmiphalaṃ patvā ito cutā suddhāvāsesu uppajjitvā tena attabhāvena arahattañceva anupādisesanibbānadhātuñca pāpuṇanti. Tena vuttaṃ – ‘‘imesaṃ pañcannaṃ idha vihāya niṭṭhā’’ti.
ದಸಕನಿದ್ದೇಸವಣ್ಣನಾ।
Dasakaniddesavaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಪುಗ್ಗಲಪಞ್ಞತ್ತಿಪಾಳಿ • Puggalapaññattipāḷi / ೧೦. ದಸಕಪುಗ್ಗಲಪಞ್ಞತ್ತಿ • 10. Dasakapuggalapaññatti
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೦. ದಸಕನಿದ್ದೇಸವಣ್ಣನಾ • 10. Dasakaniddesavaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೦. ದಸಕನಿದ್ದೇಸವಣ್ಣನಾ • 10. Dasakaniddesavaṇṇanā
