| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
ನಿಗಮನಕಥಾ
Nigamanakathā
ಏತ್ತಾವತಾ ಚ –
Ettāvatā ca –
ಯಂ ವೇ ಪುಗ್ಗಲಪಞ್ಞತ್ತಿಂ, ಲೋಕೇ ಅಪ್ಪಟಿಪುಗ್ಗಲೋ।
Yaṃ ve puggalapaññattiṃ, loke appaṭipuggalo;
ನಾತಿಸಙ್ಖೇಪತೋ ಸತ್ಥಾ, ದೇಸೇಸಿ ತಿದಸಾಲಯೇ॥
Nātisaṅkhepato satthā, desesi tidasālaye.
ತಸ್ಸಾ ಅಟ್ಠಕಥಞ್ಚೇವ, ದೀಪಭಾಸಾಯ ಸಙ್ಖತಂ।
Tassā aṭṭhakathañceva, dīpabhāsāya saṅkhataṃ;
ಆಗಮಟ್ಠಕಥಾಯೋ ಚ, ಓಗಾಹೇತ್ವಾ ಅಸೇಸತೋ॥
Āgamaṭṭhakathāyo ca, ogāhetvā asesato.
ಸುವಿಭತ್ತೋ ಅಸಂಕಿಣ್ಣೋ, ಯೋ ಯೋ ಅತ್ಥೋ ಯಹಿಂ ಯಹಿಂ।
Suvibhatto asaṃkiṇṇo, yo yo attho yahiṃ yahiṃ;
ತತೋ ತತೋ ತಂ ಗಹೇತ್ವಾ, ಪಹಾಯ ಅತಿವಿತ್ಥಾರಂ॥
Tato tato taṃ gahetvā, pahāya ativitthāraṃ.
ವಿಸುದ್ಧಿಮಗ್ಗೇ ಯಂ ವುತ್ತಂ, ತಂ ಅನಾದಾಯ ಸಙ್ಖತಾ।
Visuddhimagge yaṃ vuttaṃ, taṃ anādāya saṅkhatā;
ನಾತಿಸಙ್ಖೇಪವಿತ್ಥಾರ-ನಯೇನಟ್ಠಕಥಾ ಅಯಂ॥
Nātisaṅkhepavitthāra-nayenaṭṭhakathā ayaṃ.
ತಂ ಏತಂ ಸತ್ತಮತ್ತೇಹಿ, ಭಾಣವಾರೇಹಿ ತನ್ತಿಯಾ।
Taṃ etaṃ sattamattehi, bhāṇavārehi tantiyā;
ಚಿರಟ್ಠಿತತ್ಥಂ ಧಮ್ಮಸ್ಸ, ಸಙ್ಖರೋನ್ತೇನ ಯಂ ಮಯಾ॥
Ciraṭṭhitatthaṃ dhammassa, saṅkharontena yaṃ mayā.
ಸಮ್ಪತ್ತಂ ಕುಸಲಂ ತೇನ, ಸದ್ಧಮ್ಮಂ ಸುಖುಮಂ ಸಿವಂ।
Sampattaṃ kusalaṃ tena, saddhammaṃ sukhumaṃ sivaṃ;
ಓಲೋಕೇನ್ತು ವಿಸುದ್ಧೇನ, ಪಾಣಯೋ ಧಮ್ಮಚಕ್ಖುನಾತಿ॥
Olokentu visuddhena, pāṇayo dhammacakkhunāti.
ಪುಗ್ಗಲಪಞ್ಞತ್ತಿ-ಅಟ್ಠಕಥಾ ನಿಟ್ಠಿತಾ।
Puggalapaññatti-aṭṭhakathā niṭṭhitā.
