| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೮. ದನ್ತಕಟ್ಠಸುತ್ತಂ
8. Dantakaṭṭhasuttaṃ
೨೦೮. ‘‘ಪಞ್ಚಿಮೇ, ಭಿಕ್ಖವೇ, ಆದೀನವಾ ದನ್ತಕಟ್ಠಸ್ಸ ಅಖಾದನೇ। ಕತಮೇ ಪಞ್ಚ? ಅಚಕ್ಖುಸ್ಸಂ, ಮುಖಂ ದುಗ್ಗನ್ಧಂ ಹೋತಿ, ರಸಹರಣಿಯೋ ನ ವಿಸುಜ್ಝನ್ತಿ, ಪಿತ್ತಂ ಸೇಮ್ಹಂ ಭತ್ತಂ ಪರಿಯೋನನ್ಧತಿ 1, ಭತ್ತಮಸ್ಸ ನಚ್ಛಾದೇತಿ। ಇಮೇ ಖೋ, ಭಿಕ್ಖವೇ, ಪಞ್ಚ ಆದೀನವಾ ದನ್ತಕಟ್ಠಸ್ಸ ಅಖಾದನೇ।
208. ‘‘Pañcime, bhikkhave, ādīnavā dantakaṭṭhassa akhādane. Katame pañca? Acakkhussaṃ, mukhaṃ duggandhaṃ hoti, rasaharaṇiyo na visujjhanti, pittaṃ semhaṃ bhattaṃ pariyonandhati 2, bhattamassa nacchādeti. Ime kho, bhikkhave, pañca ādīnavā dantakaṭṭhassa akhādane.
‘‘ಪಞ್ಚಿಮೇ, ಭಿಕ್ಖವೇ, ಆನಿಸಂಸಾ ದನ್ತಕಟ್ಠಸ್ಸ ಖಾದನೇ। ಕತಮೇ ಪಞ್ಚ? ಚಕ್ಖುಸ್ಸಂ, ಮುಖಂ ನ ದುಗ್ಗನ್ಧಂ ಹೋತಿ, ರಸಹರಣಿಯೋ ವಿಸುಜ್ಝನ್ತಿ, ಪಿತ್ತಂ ಸೇಮ್ಹಂ ಭತ್ತಂ ನ ಪರಿಯೋನನ್ಧತಿ, ಭತ್ತಮಸ್ಸ ಛಾದೇತಿ। ಇಮೇ ಖೋ, ಭಿಕ್ಖವೇ, ಪಞ್ಚ ಆನಿಸಂಸಾ ದನ್ತಕಟ್ಠಸ್ಸ ಖಾದನೇ’’ತಿ। ಅಟ್ಠಮಂ।
‘‘Pañcime, bhikkhave, ānisaṃsā dantakaṭṭhassa khādane. Katame pañca? Cakkhussaṃ, mukhaṃ na duggandhaṃ hoti, rasaharaṇiyo visujjhanti, pittaṃ semhaṃ bhattaṃ na pariyonandhati, bhattamassa chādeti. Ime kho, bhikkhave, pañca ānisaṃsā dantakaṭṭhassa khādane’’ti. Aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೭-೮. ಯಾಗುಸುತ್ತಾದಿವಣ್ಣನಾ • 7-8. Yāgusuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೬-೮. ವಿನಿಬನ್ಧಸುತ್ತಾದಿವಣ್ಣನಾ • 6-8. Vinibandhasuttādivaṇṇanā
