| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৫. দানানিসংসসুত্তং
5. Dānānisaṃsasuttaṃ
৩৫. ‘‘পঞ্চিমে , ভিক্খৰে, দানে আনিসংসা। কতমে পঞ্চ? বহুনো জনস্স পিযো হোতি মনাপো; সন্তো সপ্পুরিসা ভজন্তি; কল্যাণো কিত্তিসদ্দো অব্ভুগ্গচ্ছতি; গিহিধম্মা অনপগতো 1 হোতি; কাযস্স ভেদা পরং মরণা সুগতিং সগ্গং লোকং উপপজ্জতি। ইমে খো, ভিক্খৰে, পঞ্চ দানে আনিসংসা’’তি।
35. ‘‘Pañcime , bhikkhave, dāne ānisaṃsā. Katame pañca? Bahuno janassa piyo hoti manāpo; santo sappurisā bhajanti; kalyāṇo kittisaddo abbhuggacchati; gihidhammā anapagato 2 hoti; kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca dāne ānisaṃsā’’ti.
‘‘দদমানো পিযো হোতি, সতং ধম্মং অনুক্কমং।
‘‘Dadamāno piyo hoti, sataṃ dhammaṃ anukkamaṃ;
‘‘তে তস্স ধম্মং দেসেন্তি, সব্বদুক্খাপনূদনং।
‘‘Te tassa dhammaṃ desenti, sabbadukkhāpanūdanaṃ;
যং সো ধম্মং ইধঞ্ঞায, পরিনিব্বাতি অনাসৰো’’তি॥ পঞ্চমং।
Yaṃ so dhammaṃ idhaññāya, parinibbāti anāsavo’’ti. pañcamaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৫. দানানিসংসসুত্তৰণ্ণনা • 5. Dānānisaṃsasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৪-৫. সীহসেনাপতিসুত্তাদিৰণ্ণনা • 4-5. Sīhasenāpatisuttādivaṇṇanā
