| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೧೧. ದಕ್ಖಿಣಾವಿಸುದ್ಧಿಕಥಾವಣ್ಣನಾ
11. Dakkhiṇāvisuddhikathāvaṇṇanā
೮೦೦-೮೦೧. ದಕ್ಖಿಣಾವಿಸುದ್ಧಿಕಥಾಯಂ ವಿಸುಜ್ಝೇಯ್ಯಾತಿ ಏತಸ್ಸ ಅತ್ಥಂ ದಸ್ಸೇನ್ತೋ ‘‘ಮಹಪ್ಫಲಾ ಭವೇಯ್ಯಾ’’ತಿ ಆಹ। ದಾಯಕಸ್ಸೇವ ಚಿತ್ತವಿಸುದ್ಧಿ ವಿಪಾಕದಾಯಿಕಾ ಹೋತೀತಿ ಪಟಿಗ್ಗಾಹಕನಿರಪೇಕ್ಖಾ ಪಟಿಗ್ಗಾಹಕೇನ ಪಚ್ಚಯಭೂತೇನ ವಿನಾ ದಾಯಕೇನೇವ ಮಹಾವಿಪಾಕಚೇತನತ್ತಂ ಆಪಾದಿಕಾ, ಪಟಿಗ್ಗಾಹಕನಿರಪೇಕ್ಖಾ ವಿಪಾಕದಾಯಿಕಾ ಹೋತೀತಿ ಅಧಿಪ್ಪಾಯೋ। ಅಞ್ಞೋ ಅಞ್ಞಸ್ಸ ಕಾರಕೋತಿ ಯದಿ ದಾಯಕಸ್ಸ ದಾನಚೇತನಾ ನಾಮ ಪಟಿಗ್ಗಾಹಕೇನ ಕತಾ ಭವೇಯ್ಯ, ಯುತ್ತರೂಪಂ ಸಿಯಾತಿ ಕಸ್ಮಾ ವುತ್ತಂ, ನನು ಲದ್ಧಿಕಿತ್ತನೇ ‘‘ದಾಯಕೇನ ದಾನಂ ದಿನ್ನಂ, ಪಟಿಗ್ಗಾಹಕೇನ ವಿಪಾಕೋ ನಿಬ್ಬತ್ತಿತೋತಿ ಅಞ್ಞೋ ಅಞ್ಞಸ್ಸ ಕಾರಕೋ ಭವೇಯ್ಯಾ’’ತಿ ವುತ್ತನ್ತಿ? ಸಚ್ಚಮೇತಂ, ಪಟಿಗ್ಗಾಹಕೇನ ವಿಪಾಕನಿಬ್ಬತ್ತನಮ್ಪಿ ಪನ ದಾನಚೇತನಾನಿಬ್ಬತ್ತನೇನ ಯದಿ ಭವೇಯ್ಯ, ಏವಂ ಸತಿ ಅಞ್ಞೋ ಅಞ್ಞಸ್ಸ ಕಾರಕೋತಿ ಯುತ್ತರೂಪಂ ಸಿಯಾತಿ ಅಧಿಪ್ಪಾಯೋ।
800-801. Dakkhiṇāvisuddhikathāyaṃ visujjheyyāti etassa atthaṃ dassento ‘‘mahapphalā bhaveyyā’’ti āha. Dāyakasseva cittavisuddhi vipākadāyikā hotīti paṭiggāhakanirapekkhā paṭiggāhakena paccayabhūtena vinā dāyakeneva mahāvipākacetanattaṃ āpādikā, paṭiggāhakanirapekkhā vipākadāyikā hotīti adhippāyo. Añño aññassa kārakoti yadi dāyakassa dānacetanā nāma paṭiggāhakena katā bhaveyya, yuttarūpaṃ siyāti kasmā vuttaṃ, nanu laddhikittane ‘‘dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyyā’’ti vuttanti? Saccametaṃ, paṭiggāhakena vipākanibbattanampi pana dānacetanānibbattanena yadi bhaveyya, evaṃ sati añño aññassa kārakoti yuttarūpaṃ siyāti adhippāyo.
ದಕ್ಖಿಣಾವಿಸುದ್ಧಿಕಥಾವಣ್ಣನಾ ನಿಟ್ಠಿತಾ।
Dakkhiṇāvisuddhikathāvaṇṇanā niṭṭhitā.
ಸತ್ತರಸಮವಗ್ಗವಣ್ಣನಾ ನಿಟ್ಠಿತಾ।
Sattarasamavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೭೬) ೧೧. ದಕ್ಖಿಣಾವಿಸುದ್ಧಿಕಥಾ • (176) 11. Dakkhiṇāvisuddhikathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೧. ದಕ್ಖಿಣಾವಿಸುದ್ಧಿಕಥಾವಣ್ಣನಾ • 11. Dakkhiṇāvisuddhikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೧. ದಕ್ಖಿಣಾವಿಸುದ್ಧಿಕಥಾವಣ್ಣನಾ • 11. Dakkhiṇāvisuddhikathāvaṇṇanā
