| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೧೧. ದಕ್ಖಿಣಾವಿಸುದ್ಧಿಕಥಾವಣ್ಣನಾ
11. Dakkhiṇāvisuddhikathāvaṇṇanā
೮೦೦-೮೦೧. ಇದಾನಿ ದಕ್ಖಿಣಾವಿಸುದ್ಧಿಕಥಾ ನಾಮ ಹೋತಿ। ತತ್ಥ ‘‘ಯದಿ ಪಟಿಗ್ಗಾಹಕತೋ ದಕ್ಖಿಣಾ ವಿಸುಜ್ಝೇಯ್ಯ, ಮಹಪ್ಫಲಾ ಭವೇಯ್ಯ। ದಾಯಕೇನ ದಾನಂ ದಿನ್ನಂ, ಪಟಿಗ್ಗಾಹಕೇನ ವಿಪಾಕೋ ನಿಬ್ಬತ್ತಿತೋತಿ ಅಞ್ಞೋ ಅಞ್ಞಸ್ಸ ಕಾರಕೋ ಭವೇಯ್ಯ, ಪರಂಕತಂ ಸುಖದುಕ್ಖಂ ಆಪಜ್ಜೇಯ್ಯ, ಅಞ್ಞೋ ಕರೇಯ್ಯ, ಅಞ್ಞೋ ಪಟಿಸಂವೇದೇಯ್ಯ। ತಸ್ಮಾ ದಾಯಕತೋವ ದಾನಂ ವಿಸುಜ್ಝತಿ, ನೋ ಪಟಿಗ್ಗಾಹಕತೋ, ದಾಯಕಸ್ಸೇವ ಚಿತ್ತವಿಸುದ್ಧಿ ವಿಪಾಕದಾಯಿಕಾ ಹೋತೀ’’ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಉತ್ತರಾಪಥಕಾನಂ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಆಹುನೇಯ್ಯಾತಿಆದಿ ‘‘ಯದಿ ಪಟಿಗ್ಗಾಹಕತೋ ದಾನಂ ನ ವಿಸುಜ್ಝೇಯ್ಯ, ಕಿಮಸ್ಸ ಆಹುನೇಯ್ಯಾದಿಭಾವೋ ಕರೇಯ್ಯಾ’’ತಿ ದಸ್ಸನತ್ಥಂ ವುತ್ತಂ। ಅಞ್ಞೋ ಅಞ್ಞಸ್ಸ ಕಾರಕೋತಿ ಯದಿ ದಾಯಕಸ್ಸ ದಾನಚೇತನಾ ಪಟಿಗ್ಗಾಹಕೇನ ಕತಾ ಭವೇಯ್ಯ, ಯುತ್ತರೂಪಂ ಸಿಯಾ। ತಸ್ಸ ಪನ ದಾನಚೇತನಾ ಪರಿಸುದ್ಧಾ ಪಟಿಗ್ಗಾಹಕಸಙ್ಖಾತಂ ವತ್ಥುಂ ಪಟಿಚ್ಚ ಮಹಾವಿಪಾಕಟ್ಠೇನ ವಿಸುಜ್ಝತಿ, ತಸ್ಮಾ ಅಚೋದನಾ ಏಸಾ ‘‘ಪಟಿಗ್ಗಾಹಕತೋ ದಾನಂ ವಿಸುಜ್ಝತೀ’’ತಿ।
800-801. Idāni dakkhiṇāvisuddhikathā nāma hoti. Tattha ‘‘yadi paṭiggāhakato dakkhiṇā visujjheyya, mahapphalā bhaveyya. Dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyya, paraṃkataṃ sukhadukkhaṃ āpajjeyya, añño kareyya, añño paṭisaṃvedeyya. Tasmā dāyakatova dānaṃ visujjhati, no paṭiggāhakato, dāyakasseva cittavisuddhi vipākadāyikā hotī’’ti yesaṃ laddhi, seyyathāpi uttarāpathakānaṃ; te sandhāya pucchā sakavādissa, paṭiññā itarassa. Āhuneyyātiādi ‘‘yadi paṭiggāhakato dānaṃ na visujjheyya, kimassa āhuneyyādibhāvo kareyyā’’ti dassanatthaṃ vuttaṃ. Añño aññassa kārakoti yadi dāyakassa dānacetanā paṭiggāhakena katā bhaveyya, yuttarūpaṃ siyā. Tassa pana dānacetanā parisuddhā paṭiggāhakasaṅkhātaṃ vatthuṃ paṭicca mahāvipākaṭṭhena visujjhati, tasmā acodanā esā ‘‘paṭiggāhakato dānaṃ visujjhatī’’ti.
ದಕ್ಖಿಣಾವಿಸುದ್ಧಿಕಥಾವಣ್ಣನಾ।
Dakkhiṇāvisuddhikathāvaṇṇanā.
ಸತ್ತರಸಮೋ ವಗ್ಗೋ।
Sattarasamo vaggo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೭೬) ೧೧. ದಕ್ಖಿಣಾವಿಸುದ್ಧಿಕಥಾ • (176) 11. Dakkhiṇāvisuddhikathā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೧. ದಕ್ಖಿಣಾವಿಸುದ್ಧಿಕಥಾವಣ್ಣನಾ • 11. Dakkhiṇāvisuddhikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೧. ದಕ್ಖಿಣಾವಿಸುದ್ಧಿಕಥಾವಣ್ಣನಾ • 11. Dakkhiṇāvisuddhikathāvaṇṇanā
